ASTANA. 11 qańtar. Anglııada jańa jyl qarsańynda bolǵan sý tasqyny men daýyl jelden kelgen shyǵyn kólemi 1,3 mıllıard fýnt sterlıngti (1,9 mıllıard dollar) qurady. Bul týraly TASS aqparat agenttigine silteme jasaǵan egemen.kz tilshisi habarlady.
Jeltoqsan aıynyń ortasynan qańtar aıynyń basyna deıin bolǵan tabıǵat apatynan turǵyn úıler, qalalyq kommýnıkasııa ortalyǵy men jeke kásiporyn ǵımarattary zardap shekti. Osy ýaqyt aralyǵynda qutqarý jumystaryna 500 áskerı qyzmetker jumyldyryldy. Sondaı-aq, qosalqy quramda bir myńnan astam sarbaz boldy.
Tabıǵat apaty ásirese, Lankashır men Batys Iorkshır graftyqtaryna zııanyn tıgizdi. Polısııa qyzmetkerleri sý tasqynynan turǵyndardy qaýipsiz aımaqqa kóshirýge májbúr boldy. Al myńdaǵan otbasy birneshe kún jaryqsyz qaldy.
Aıta keteıik, Ulybrıtanııa premer-mınıstri Devıd Kemeron osyǵan baılanysty bıliktiń arnaıy 2,3 mıllıard fýnt sterlıng (3,4 mıllıard dollar) bóletinin málimdegen. Qazirgi kezde 3 myńnan astam adam úılerin kúrdeli jóndeýden ótkizý qajettiligine baılanysty ýaqytsha baspana izdeýde.
Aıan Ábdýálı.
Derek: TASS.
Sýret: metro.co.uk.