ASTANA. 11 qańtar. Ispanııanyń quramdas bóligi Katalonııanyń jańa basshysy ótken jeksenbi kúni saılandy. Daýys berý barysynda, jergilikti 135-shi parlamentte 70 depýttatyń qoldaýyna ıe bolǵan Karles Pıýdjmont jeńiske jetti. Bul týraly TASS aqparat agenttigine silteme jasaǵan egemen.kz tilshisi habarlady.
Jeksenbi kúni, saılaý barysynda depýtattar aldynda sóz sóılegen Pıýdjmont: «Katalonııa eliniń táýelsizdigine qol jetkizý jumystaryn bastaýymyz qajet», – dedi.
Senbi kúni aımaqtyń burynǵy basshysy Artýr Mas saılaýǵa óz kandıdattyǵyn usynýdan bas tartty. Al Karles Pıýdjmontty basshylyqqa usyný jónindegi is «Halyqtyń birligi úshin kandıdattar» birlestigi Artýr Masty qoldaýdan bas tartqannan soń boldy. Sondaı-aq, Katalonııa parlamenti úmitkerler arasynan ózara kelisimge kelip bir adamdy taǵaıyndamasa, osy jyldyń naýryz aıynda kezekten tys saılaý bolar edi.
Aıan Ábdýálı.
Derek: TASS.
Sýret: kp.ru