QARAǴANDY. 11 qańtar. Temirtaý qalasynda týǵan Vıllı Evseev degen bozbala nemistiń 3-shi Býndeslıgasyndaǵy «Holshtaın» (Kıl qalasy) degen fýtbol klýbynda óner kórsetetin bolady. Bul týraly sports.kz. saıtyna silteme jasaǵan egemen.kz tilshisi habarlady.
Negizi, fýtbolshy «Nıýrnberg» komandasynyń ıeleginde. Tek maýsymnyń birinshi jartysynda jaraqat alyp qalǵan da, belgili klýbtyń ekinshi komandasynda oınaýǵa májbúr bolǵan.
«Jastyǵyna qaramastan, Vıllı jetkilikti dárejede tájirıbeli, biz onyń kómegine súıenemiz degen oıdamyz», – dep málimdedi «Holshtaın» komandasynyń bas jattyqtyrýshysy Karsten Naıtsel.
Evseev Kıl qalasynda jalǵa alynǵan oıynshy retinde jazǵa deıin óner kórsetetin bolady.
Qaırat Ábildınov.
Derek, sýret: egemen.kz.