ASTANA. 11 qańtar. Búgin KHDR AQSh-tyń Ońtústik Koreıaǵa V-52 bombardırovshıgin kómekke jiberýine baılanysty buǵan óziniń ıadrolyq qarýmen jaýap qaıtaratynyn málimdedi. Bul týraly RIA «Novostı» deregine silteme jasaǵan egemen.kz tilshisi habarlady.
Maqalada AQSh-tyń bul jaqty «soǵysýdyń sońǵy shegine» ıtermelep otyrǵany aıtylady. Basylym osyǵan oraı Vashıngtondy «aınalaǵa shynaıy kózben qaraýǵa» jáne KHDR-men «tarıhı teketiresten sabaq alýǵa» shaqyrady. Phenıannyń tujyrymynsha, bul eki eldiń arasyndaǵy burynǵy qaqtyǵystarda Qurama Shtattarǵa jeńilýge týra kelgen.
О́z kezeginde Reuters Ońtústik Koreıa qorǵanys mınıstrligine silteme jasaı otyryp, Vashıngton men Seýldiń Ońtústik Koreıa aýmaǵyna strategııalyq mańyzy bar qarýlardy ornalastyrý jónindegi máseleni talqylamaq oılary bar ekenin jaıyp salady. «Ionhap» agenttiginiń dereginshe, Amerıkanyń Ońtústik Koreıadaǵy qarýly kúshteriniń qolbasshysy Ketıs Skaparottıdiń óz áskerlerine KHDR tarapynan bolǵan arandatý áreketterine joǵary deńgeıde daıyn bolýǵa buıryq bergenin jetkizedi.
Keshe, 10 qańtar kúni Amerıkanyń strategııalyq V-52 bombardırovshıgi KHDR-dyń sýtegi bombasyn synaqtan ótkizgeni týraly málimdemesine jaýap retinde Amerıkanyń strategııalyq V-52 bombardırovshıgi Ońtústik Koreıanyń ústinen ushyp ótkeni belgili boldy. Sol kúni KHDR lıderi Kım Chen Yn Soltústik Koreıanyń sýtegi bombasyn AQSh tarapynan bolýy yqtımal ıadrolyq shabýyldan qorǵaný maqsatynda synaqtan ótkizilgenin málimdedi. Sonymen birge ol ıadrolyq qarýdy synaqtan ótkizý «egemen memlekettiń zańdy quqyǵy» bolyp tabylatynyn atap ótti.
Qazirgi tańda AQSh áýe-qorǵanys kúshterinde ıadrolyq qarý tasymaldaıtyn V-52N bombardırovshıginiń 75-ke jýyǵy bar. Olar sondaı-aq ártúrli tıpti ıadrolyq emes qarýlardy da tasymaldaı alady. Ushaqtyń ushý qashyqtyǵy 16 200 shaqyrymǵa teń bolsa, jaýyngerlik radıýsy 7 200 shaqyrymdy qamtıdy.
Talǵat Raıymbek.
Derek, foto: RIA «Novostı».