Jaqynda Astanada, QR Ulttyq akademııalyq kitaphanada ardaqty aqyn Farıza Ońǵarsynovanyń shyǵarmashylyǵyna arnalǵan «Poezııa padıshasy» atty ádebı kesh uıymdastyryldy. Keshtiń maqsaty Farıza Ońǵarsynovanyń jyrlaryn – ádebı murasyn el ishinde nasıhattap júrgen ádebıetshi-ǵalym, farızatanýshy aqyndardy taýyp, ónerlerin kópshilikke tanystyrý bolatyn.
Baıqaý Farıza aqynnyń týǵan kúnine oraı tuńǵysh ret ótkizildi. Aldaǵy ýaqytta Ulttyq akademııalyq kitaphana bul baıqaýdy dástúrge aınaldyryp, jyl saıyn ótkizip turatyn boldy. Farıza Ońǵarsynova óleńderin jatqa oqyp, nasıhattap júrgen atyraýlyq jas ádebıetshi ári aqyn qyz Nazıra Áshimge qazylar alqasynyń sheshimimen «Farıza Ońǵarsynova atyndaǵy syılyqtyń laýreaty» ataǵy men medali tapsyryldy.
Marjan ERShÝ.