ALMATY. 28 qańtar. Osy jyldyń sońyna qaraı Almaty qalasy óz baqshalarynda ósken qııar, qyzanaqtardy paıdalanatyn bolady. Bul týraly egemen.kz tilshisi habarlady.
Osy ýaqytqa deıin shahar turǵyndaryn jańa pisken, balǵyn kókónis, jıdektermen qamtamasyz etý ózekti másele bolyp keldi. Bul másele qys aılarynda kókónistiń baǵasy sharyqtap, 4-5 esege qymbattap, odan da kókeıkesti bola túsedi.
Tolaıym alǵanda Almaty turǵyndary jylyna kem degende 48,6 tonna, onyń ishinde 34 tonna qyzanaq, 14,6 tonna qııardy qajet etedi.
Al qarasha men sáýirdegi maýsym aralyǵynda qalaǵa elimizdiń ońtústik óńirlerinde О́zbekstan men Qytaıda ósirilgen kókónister ımporttalady. Máselen, tek ótken 2015 jyly Qytaıdan tasymaldanǵan kókónis 7,2 tonnany quraǵan. Biraq osyǵan qaramastan otandyq taýar óndirýshiler qalanyń qajettiligin tolyq qamtamasyz ete almaıdy.
Sondyqtan Almaty qalalyq ákimshiligi osy máseleni nazarda ustap, 50 gektar kóleminde jylyjaı keshenderin salýdy qolǵa aldy. Dál qazirgi tańda 17 gektarlyq jylyjaı kesheniniń qurylysy bastaldy. Bul nysan osy jyldyń qyrkúıegine qaraı paıdalanýǵa beriletin bolady.
Atalmysh keshen jumysqa kirisken kezde jylyna 8 tonnaǵa jýyq balǵyn kókónispen qamtamasyz ete alady. Bul qalanyń jalpy qajettiliginiń 16 paıyzyn quraıdy.
Aınash Esalı.
Derek, sýret: egemen.kz.