Tıimdiligi telegeı teleortalyq

«Máskeý kóz jasyna senbeıdi» fılminde aıtylǵan «Bolashaq televıdenıeniki» degen sóz búginde ári mátelge, ári shyndyqqa aınalǵanyn kórip otyrmyz. Olaı bolsa, «Qazmedıa ortalyǵy» jumysynyń jaı-japsary týraly onyń bas dırektory Mırbolat Aıýpovpen áńgimelesken edik. – Qurmetti Mırbolat Haırat­­­uly, asta­nalyq Medıa­or­ta­­­­lyq­tyń qu­ryl­ǵa­nyna ót­ken jyl­­­­dyń so­­ńyn­­da 3 jyl tol­­­dy. Osy oqı­­ǵa­men ózi­ńizdi qut­­tyq­­taı oty­­ryp, osy ke­zeń­de qan­­daı ju­mystar atqa­­ryl­ǵanyn óz aý­zyńyzdan bilgimiz keledi? – Eske túsirsek, memleketimiz «Qazmedıa ortalyǵyn» 2012 jyly qurǵan kezde, munyń ózi bir qýatty serpin bolyp edi. Qazaqstanda alǵash ret barlyq ulttyq buqaralyq aqparat qural­dary úshin ujymdyq tur­ǵyda paıdalanatyn birtutas teh­no­lo­gııalyq, ınjenerlik alań dúnıege keldi. Jaı kórermenge túsinikti bolý úshin osyǵan iz ashqan jaılardy aıta keteıin. Qalyptasqan dástúr boıynsha barlyq telearnalar derbes jumys istedi, olardyń árqaısysy ózderiniń óndiristik bazasyn qoldap, damytyp otyrdy, eleýli tehnıkalyq qyzmetkerler shtatyn ustady. Habarlardy jasaıtyn jáne efırge shyǵatyn qural-jabdyqtardy da jasaqtap alǵan-dy. Osynyń bári árbir telearna úshin aıtarlyqtaı qarjy bólinýin talap etti. Sondyqtan, tehnologııalyq jaýapkershilikti bir servıstik operator ǵana ózine júk­teıtin ulttyq teleradıo ke­­she­nin qurý ıdeıasy ábden pi­sip-je­tilgen edi. Ári ol sıner­ge­tı­kalyq tıimdilik alý oraı­yn­da da ózin aqtap tur. Bizdiń jaǵ­daıda bul degenińiz – «Qazmedıa ortalyǵy». Arnalar ózderine tán qyzmet – kontent jasaýmen aınalysady. Al qalǵan barlyq, barshaǵa ortaq tehnıkalyq jáne teh­nologııalyq istermen bári­niń qamyn oılaı otyryp, biz shuǵyldanamyz. Telearnalar endigi jerde tehnologııalyq ma­sha­­qattar úshin qam jemeıdi. QMO kór­­se­ti­letin qyzmet retin­de, tıis­ti sapalyq dárejede stý­dııa­ny, qural-jabdyqtardy, qyzmet­ker­ler­di jáne efırge dabyl be­rýge deıinginiń barlyǵyn bir ózi qam­tamasyz etýi tıis. Sóıtip, bizdiń birinshi kezek­tegi minde­timiz – «Habar» Agent­­tigi» AQ («Habar», «24 KZ», «Kazakh­­TV» arnalary), «Qazaq­stan» ­RTRK («Qazaqstan», «Bala­pan», «Kaz­Sport» arnalary, «Qa­zaq ­­ra­dıosy», «Shalqar» jáne «Astana» radıo­lary), «Eýrazııa» Birinshi Ar­nasy, «MIR» TRK sııaqty óz árip­testerimizdi tehnı­kalyq tur­ǵydan úzdiksiz ári sapa­ly jab­dyq­talýyn qamtamasyz etý boldy. Sondaı-aq, memleket­tiń aqpa­rat­tyq saıasatyn júr­gizýde je­tekshi ról atqara­tyn Orta­lyq kommýnıkasııalar qyz­metiniń jumysyn tehnıkalyq qamtamasyz etý de bizdiń qyzme­timizdiń asa mańyzdy ári basym baǵyty bolyp tabylady. Qazir biz tehnologııalyq ke­shendi jańǵyrtý úderisin bastaý qajettigi týyndaǵan kezeńde tur­­myz. Qazmedıa qurylǵan kezde tehnıkanyń jańashyl talabyna saı kelgen-di. Biraq bul sala shapshań damý ústin­de. Biz árqa­shan ýaqyttan qalys­paýy­myz, tehnologııalyq kenjeleýge jol bermeýimiz kerek. Bul, ásirese, qar­jy turǵysynan alǵanda óte-móte kúrdeli másele. Al endi ár­bir arna osymen jeke-jeke aına­lysatyn jaǵdaıdy kózge eles­tetip kórińizshi. – Siz «Qazmedıa orta­ly­ǵy­na» jarty jyl buryn kel­­dińiz, eń aldymen qandaı min­det­­terdi sheshýdi jón sana­dyńyz? – Kez kelgen kompanııadaǵy sııaqty, QMO-nyń da ózindik problemalary bar. Saıyp kelgende, solardyń bári jumysymyzdyń sapasyna áserin tıgizedi. Biz úshin sapaly óndiris jáne dabyl berý máseleleri jumysymyzdaǵy negizgi basymdyqtar bolyp tabylady. Biraz qıynshylyqtardy eńserdik, qalǵany qarajat bólý qa­jettigine baılanysty she­shi­­min tabý satylarynda tur. Bir jaq­sysy, bular­dyń bári sheshiletin jaılar, tek ýaqyt qajet. Búginge deıin sheshimin taýyp úlgergen mańyzdy máselelerdiń ishinde «Qaz­teleradıoǵa» televızııalyq dabyl berý úshin baılanystyń optıkalyq arnalarynyń 100 paıyz rezervke alynýyn qamtamasyz etilýin atap aıtar edim. Munyń ózi tolyq senimdilikke qol jetkizip, bizdi habar taratýdaǵy yqtımal kidiristerden saqtandyrady. Jalpy, QMO strategııalyq mańyzdaǵy nysan retinde qaýip­sizdik máselelerine basa kóńil bó­lýdi talap etedi. Biz áriptes­termen jáne memlekettik kúzet qyzmetimen birlese otyryp ár­túr­li sanattaǵy kútpegen ahýal­dar úshin nysannyń keshendi qaýip­­sizdiginiń tujyrymdamasyn ázir­­ledik, reglamentterdi belgi­le­dik, júıeli túrde tótenshe jaǵdaı­lar oqý-jattyǵýlary ótkiziledi. Qaýipsizdik uǵymy búgin­de edáýir keńeıgen: aıtalyq, órt­ten bastap aqparattyqqa deıin. Bul má­se­lelerge de biz basymdy túr­de mán beremiz. Kompanııany korporatıvti bas­­qarý júıesin jetildirý jónin­de jumystar júrgizilýde, úderis­tik turǵydan qaraý engizilip ja­tyr, elek­trondy qujat aınalymy iske qosyldy. Aldaǵy mamyrda ISO – 9001 talaptaryna saı sapa menedjmenti júıesiniń ser­tı­fı­kasııasyn alý josparlandy. Biz aǵymdaǵy qarjy-sharýashylyq qyzmetimizge taldaý jasap, óz shy­ǵys­tarymyzdy barynsha ońtaı­­lan­dyrdyq, kiristerimizdi yq­tı­ıat­taı tústik, bir sózben aıt­qan­da, daǵdarysqa qarsy shara­lar keshenin atqardyq. Sonyń ná­tı­jesinde kútilip otyrǵan úl­ken shy­ǵynnyń ornyna osy jyldarda alǵash ret aǵymdaǵy shyǵynsyz deńgeıge shyqpaqshymyz. Tipti, azdaǵan tabysymyz da joq emes. Kom­panııanyń top-menedjmenti úshin bul osynshalyq qysqa ýa­qyt aralyǵyndaǵy eleýli jetis­tik sanalsa kerek. – Qazmedıa 2016 jylǵa jáne odan keıingi kezeńge damýdyń qan­­daı naqty qadam­daryn ázir­ledi? – 2016 jyly biz teleradıo­keshen jumysynyń ıdeologııa­syn tolyqtaı qaıta quryp, Qaz­medıaortalyqtyń zor múm­kin­dikterin ashatynymyzǵa senim­dimiz. Qazir bul áleýet, tipti, jartylaı da paıdalanylyp otyrǵan joq. Sondyqtan, bıyl ózimiz jaıly bar daýyspen málimdeýge qulshynýlymyz. Jas kompanııa bolsaq ta, qalyptasyp, odan ári kemeldenýdiń ýaqyty jetti. Biz óndirisi jolǵa qoıylǵan jáne jo­ǵary kásibı hám bilikti qyz­metkerleri jetkilikti zamanaýı korporasııaǵa aınalýǵa daıynbyz. Aldymyzda neǵurlym sapaly medıalyq jáne tehnologııalyq qyzmet kórsetýdiń, qarjylyq kórsetkishterdi jaqsartýdyń bıik mindetteri tur. Al ózimizge kommersııalyq tabys ákeletin salalyq medıalyq quramdasqa keler bolsaq, bul oraıda, biz­diń josparymyz tartymdy orta­lyq­qa – medıasalanyń qamshy­ge­ri­ne, bylaısha aıtqanda, «Shy­­­­ǵar­­­­mashylyq úıine» aınalý bol­­­maq. Sóıtken jaǵdaıda prodıý­­serlik ortalyqtar, shyǵar­mashy­lyq birlestikter, jýrna­lıster, medıamenedjerler, qys­qasy, bizdiń salanyń sút beti­ne shyǵar qaımaǵy túgel bir shańy­raq astynda turyp, óz týyn­dy­laryn dúnıege ákeletin bola­dy. Bul min­detti bizdiń aldy­myz­ǵa aksıonerlerimiz: Prezı­dent Ákimshiligi, Úkimet Inves­tısııalar jáne damý mınıstr­liginiń Baılanys, aqparat jáne aqparattandyrý komıteti arqyly qoıyp, sonymen qatar, memleket tarapynan árkez qoldaý jasaýda. – Áriptesterden Qazmedıa- ­nyń zamanaýı tehnolo­gııa­la­ryna úırený ońaı emes­­tigi tý­raly estip edik. Onda habar ta­ratý­dyń tutas úde­ri­si bar ǵoı. Bilýimizshe, búkil osy aq­pa­ratty kórer­menge tehnı­kalyq qyz­met­ker­ler jet­kizedi. Medıa­orta­lyq­ta táji­rı­­beli tehnı­kalyq qyz­met­ker­ler negizgi uıytqy sanalady. Olar­ǵa qoıy­­latyn ta­laptar men júk­te­letin min­detter jaıynda aıtyńyzshy? – Tehnologııalyq úderistiń býyndary kóp: telejýrnalıstik keshen, qarajattandyrý, quras­tyrý, materıaldar jasaý jáne ony efırge shyǵarý (tikeleı nemese jazba túrinde) – osynyń bárin Qazmedıaortalyq iske asyrady. Biz barlyq arnalar­dan Qazteleradıoǵa deıin qalyp­tasqan dabyl beremiz, ol kabeldi jáne basqa operatorlar arqyly ony túpki tutynýshyǵa – kádimgi kórermenge jetkizedi. Bul arna­lardyń yrǵalyp-jyrǵal­maýyna jáne tehnıkalyq qyzmet­ker­lerdiń shtatyn dalıt­paýǵa múm­kindik beredi. О́zińiz oılap kó­ri­ńizshi, bul jaǵdaı qanshama shyǵystardy ońtaılan­dyrady, saıyp kelgende, tek shyǵar­ma­shylyqqa kóńil bólýge umtyl­dy­rady. Aıtalyq, Reseıdiń Birin­shi arnasynda tehnıkalyq perso­naldyń nebári 4 qyzmetkeri bar. Son­daı tolaǵaıǵa tórt-aq qyz­met­ker! Qalǵan barlyǵy úshin Ostan­­kınoda jumys isteıtin ın­teg­­ra­torlar jaýap beredi. Shyn má­ninde, biz – qazaqstandyq Ostan­kınomyz. Bizde tehnıkalyq jumys­pen shuǵyldanatyndar: opera­torlar, ınjenerler, ja­ryq tú­si­rý­shiler, stýdııashylar jáne basqalar 400 adamnan asa­­dy. Aıtqandaı, qazir biz re­seı­­liktermen belsendi ynty­maq­­tastyqty jolǵa qoı­dyq, táji­­rıbe almasýdamyz. «Ostan­kıno­men» arada tıisti kelisimge qol qo­ı­yldy. Sonyń aıasynda bizge olar­dyń delegasııasy kelip, ju­mysty qalaı tıimdi qurý jóninde taldamalar jasap, usynystar beredi. Al biz óz kezegimizde táji­rıbe almasyp, biliktilik art­tyrý úshin mamandarymyzdy Ostan­kınoǵa jiberemiz. Bizdiń qyz­metkerlerimiz júıeli túrde shetelde tálim alyp, biliktilikterin kóteredi. Bul biz úshin óte qajet. Joǵaryda aıtqanymdaı, bizdiń sala tez damyp, tez ózgerýde. Sol úshin de únemi oqýǵa, tynbaı izdenýge týra keledi. – Respýblıkada 2970-ten as­tam tirkel­gen BAQ jumys isteıdi, sonyń 200-den astamy elek­trondy. Solardyń basym kóp­shiligi elordada, Almatyda jáne oblys or­talyqtarynda. Medıaortalyqtan eldiń ult­tyq tele-radıo holdıngteri ha­bar ta­ratatynyn atap ótý ke­rek. Bul oraıda, alda basqa arna­­lardy nemese radıostansalar­dy tartý josparda bar ma? – Ulttyq arnalar – bizdiń negizgi áriptesterimiz. Barlyǵyn tıisti deńgeıde ustap turý úshin qarjy qajet. Bul degenińiz tek ınjenerlik júıeler men jabdyqtar ǵana emes, 70 myń sharshy metrden astam alań. Memleket bizge kommersııalyq qyzmetpen aınalysýdy tapsyrdy. Sondyqtan, biz ózimizge basqa salalyq kompanııalardy da belsendi túrde tartamyz. Kóptegen qyzmetterdi usy­na alamyz. Ol degenińiz – ár­túrli qyzmettik mándegi jáne ár­túr­li aýqymdaǵy 14 biregeı appa­rattyq-stýdııalyq keshen, is-shara­lar ótkizýge taptyrmaıtyn myń oryn­dyq konsert zaly, qala­nyń panoramalyq kelbetin túsirýge bolatyn 2 Sky-stýdııa, ball-rým aımaqtary, kórmelik holldar, dybys jazatyn stýdııalar, vırtýaldy stýdııalar, buǵan qosa jarnamany, efır úzikterin, quttyqtaýlar men tipti, fýtbol matchy kórsetilimin kóre alatyn syrtqy úlken 5 Medıafasad ekrany. Mysaly, biz onda ótken jyly alǵash ret astanalyq ákimdiktiń qoldaýymen Chempıondar lıgasyndaǵy «Astana» komandasynyń matchtaryn tikeleı efırden kórsetýdi uıymdastyrdyq. Qazaqstanda alǵash ret kınokonserttik keshen ishinde Astanadaǵy fýtbol matchtarynyń tikeleı translıasııasy kórsetildi. Astana turǵyndary men qonaqtary osynaý ǵalamat kórinistiń kýágerleri boldy. – Ázirge kommersııalyq kom­­­pa­­nııa­lar qatarynan siz­der­­­ge kim­­der klıent boldy? – Qańtarda bizdiń taǵy bir strategııalyq áriptesimiz paıda boldy. «Atameken» ulttyq kásipkerler palatasy bizdiń bazamyzda kásipkerlerge arnap ǵalamtorlyq habar taratýdy jos­parlap otyr. Biz buǵan stýdııa, keńsejaı oryndaryn, qural-jabdyq, qyzmetkerler bóldik. О́zderiniń buqaralyq aqparat quralyn ashý týraly oı olarǵa ótken jyly kelgen. Sóıtip, rynok­taǵy barlyq usynystardy tal­daı kele tehnıkalyq qyzmet kór­se­týi joǵary dárejedegi bizge toq­taǵan. Bul úshin qýanyshtymyz. Biz EKSPO-2017 kompanııasy­men de yntymaqtastyqqa qo­syl­dyq. Tujyrymdamalyq tur­ǵy­dan qazirdiń ózinde osynaý álem­­dik aýqymdaǵy is-sharany ilgeri bastyryp kórsetýde resýr­s­- ­tyq áriptes retinde qaras­ty­ry­lý­damyz. Odan ári de ynty­maq­tastyq jalǵasa túspek. Sońǵy jyldary Nurlan Qoıan­­baev­tyń, Serik Aqyshevtiń, Ánýar Nur­peıisovtiń jáne bas­qalardyń komandalary sııaqty prodıýserlik ortalyqtar bizdiń áriptesterimizge aınaldy. Osy salada kózge túskendermen kelis­sózder júrgizilip, barlyǵy ynty­maqtastyqqa shaqyrylýda – biz ashyqtyq saıasatyn jarııa ettik. Buryn medıaortalyq aınalasynda qadam bastyrmas qamaldaı salqyn qabaq jaılap alǵan bolsa, endi biz osy jattandylyqtan, surqaılyqtan qutylyp, ózimiz jaıly aqparatty medıaortadaǵy yqtımal klıentterimizge baryn­sha jetkizýge tyrysyp baǵý­­da­myz. Sóıtip, ıkemdi tarıf­tik saıa­sat júrgizip, olardy ynty­maq­­tastyqqa shaqyrýdamyz. Jáne bul Astana men respýblı­ka óńir­lerine ǵana emes, shet mem­le­ketterge de qatysty. My­sa­ly, Qazmedıaortalyqtyń tehnı­ka­lyq múmkindikterimen tanysa kele, reseılikter «QMO-men ynty­maqtastyqtyń keleshegi aıtar­lyqtaı» dep asa ustamdy túrde atap ótti. – Medıaortalyqtaǵy otan­dyq baspa BAQ-tary týraly ne aıtasyz? – Biz barlyǵy úshin ashyqpyz. Baspa BAQ-tarynyń baspahanalary basqa jerlerde bolǵan­dyqtan, árıne, olar úshin bizdiń quramda bolý tıimsiz. Onyń ústi­ne, biz óz klıentterimizdiń keńse­jaıymyzdy jalǵa jaı alyp qana qoımaı, sonymen birge, teh­­nıkalyq múmkindikterimizdi: stý­dııa­­la­rymyzdy, montajdaý ból­­me­­lerin jáne basqalaryn paıda­­la­n­ýyn qalar edik. – Klıentter tartý úshin kom­- ­panııa qandaı sharalar qol­danýda? – Taýardy vıtrınaǵa jaıyp qoıyp, klıent kútip otyratyn «sýpermarketter» ýaqyty bitti. Kóshege shyǵyp, klıentter izdeıtin, ásirese, korporatıvti árip­­testerdi alaqanǵa salyp aıa­laı­­tyn kezeń keldi. Bizdiń bız­ne­­simizdiń ereksheligi sol, biz ózi­­miz­diń yqtımal, bolýy múm­kin-­aý degen klıentterimizdi is jú­zin­­de túgel aty-jónimen bile­miz. Sol se­­bepten de bizdiń basty min­de­timiz tartymdy jaǵdaı­lar jasap, eldiń búkil medıa jurtshylyǵyn bir shatyr, bir shańyraqtyń astyna jınaý bolyp tabylady. Mine, naq sol jaǵdaıda biz qıyndyqqa tótep beremiz, ýaqytpen birge adymdap damımyz, naq sol kezde biz básekege qabiletti bolamyz. – Áńgimeńizge rahmet. Áńgimelesken Qorǵanbek AMANJOL, «Egemen Qazaqstan».