sýdıa qyzmetinen óz erkimen ketýge májbúr boldy
Oblystyq mamandandyrylǵan aýdanaralyq ekonomıkalyq sottyń tóraǵasy Andreı Dıgant óz erkimen qyzmetten ketýge májbúr boldy.
Onyń qyzmetten bosatý týraly ótinish jazýyna Qapshaǵaıdaǵy kazınolardyń birinde otyrǵany jaıly túsirilgen beınejazba negiz bolǵan. Oblystyq sottyń ózindik qaýipsizdik qyzmeti oıynqumar sýdıaǵa qatysty tekserý júrgizip, fakt rastaldy. Tóraǵanyń bul áreketi sýdıanyń ádep kodeksine kereǵar degen sheshim shyǵarylyp, óz aryzymen bosaýǵa ıtermelegen.
A.Dıgant mamandandyrylǵan aýdanaralyq ekonomıkalyq sottyń tóraǵasy bolyp bir jyl buryn taǵaıyndalǵan. Oǵan deıin Aqmola oblystyq sotynda qyzmet etken.
Oıyny osylǵan sýdıanyń jumys kúni Qapshaǵaı qalasyna jol tartýyna qaraǵanda, jumystan ábden mezi bolǵan syńaıly.
Baqyt RAMAZAN,
jýrnalıst.
Soltústik Qazaqstan oblysy.