Anasyn balaǵattaǵan ul

100 saǵatqa qoǵamdyq jumysqa tartyldy Elimizdegi shaǵyn qalanyń biri – Qulsaryda turatyn soq­taldaı jigit basqa emes, ózin 9 aı qursaǵynda kó­terip, aıalaǵan anasyna til tıgizipti. Ol úıine araq iship kelip, mas kúıinde anasyn esh sebepsiz boqtap-bala­ǵattap, súıreleýmen shektel­meı, betinen teýip, soqqy da jasa­ǵan. Árıne, balasynan boqtyq sóz estip, soqqy jeý ana úshin ońaı emes qoı. Aq jaýlyqty ana qorǵaný maq­­satynda betin alaqanymen jaýyp qalǵan. Osydan keıin baýyr eti – balasynyń óreskel áreketinen ábden kóńili qalyp, júregine qaıaý tús­ken ana sotqa júginedi. О́ıtkeni, ana­synyń sotta málim etkenindeı, ba­lasy kún saıyn úıine araq iship keledi eken. Sóıtip, ózi ósip-óngen sha­ńy­raǵynyń shyrqyn buzyp, bere­kesin ketiretin balasyn jazalaýdy ótinedi. Ras, sot otyrysynda kináli jigit óz kinásin tolyq moıyndady. «Balamnyń tabanyna kirgen shóń­ge mańdaıyma qadalsyn» dep, eseıse de meıirimin aıamaıtyn anasynan keshirim surady. Tarap­tardyń ýájderin tyńdaǵan Jylyoı aýdan­­dyq soty kinálini Qyl­mys­­tyq kodekstiń 108-babymen aıyp­ty dep tanyp, 100 saǵatqa qo­­­ǵamdyq jumysqa tartý jóninde úkim shyǵardy. Bul ózge eser­soq­tarǵa sabaq bolsa, qane! Joldasbek ShО́PEǴUL, «Egemen Qazaqstan». Atyraý oblysy.