ASTANA. 1 aqpan. Almatyda qala qyzmetteriniń 2000 jumysshysy Ýnıversıada qarsańynda aǵylshyn tilin meńgeretin bolady Bul týraly 2017 jylǵy Ýnıversıadany uıymdastyrý jáne ótkizý jónindegi dıreksııanyń aqpary boıynsha egemen.kz tilshisi habarlady
Aǵylshyn tilin oqytý bıylǵy jyldyń naýryz aıynda bastalady. Bul týraly Almaty qalasynyń ákimi Baýyrjan Baıbek aǵylshyn tiliniń Ýnıversıadada atqaratyn róli orasan ekenin atap ótti. «Sońǵy aılarda biz ınvestorlarmen tyǵyz jumys isteı bastadyq. Almatyǵa 90 delegasııanyń ókilderi keldi. Sondyqtan Ýnıversıada kezinde aǵylshyn tilin erkin meńgergen adamdardyń qataryn kóbeıtý kerek», dedi ol.
2017 jylǵy Ýnıversıadany uıymdastyrý jáne ótkizý boıynsha dıreksııanyń jetekshisi Áset Ábdýálıev aǵylshyn tili kýrstary qaı jerde oqytylatynyn aıtty.
«Aǵylshyn tilin oqytý birneshe JOO-da bolady. Mamandandyrylǵan qala qyzmetteriniń 2000-ǵa jýyq ókili shet tilin QazUÝ, QazUPÝ, QazMQPÝ, Súleımen Demırel jáne Abylaıhan atyndaǵy ýnıversıtetterde oqıdy. Oqý baǵdarlamasy atalǵan ýnıversıtetterdiń ustazdarymen qurastyrylǵan», dedi ol.
Dastan Kenjalın.
Derek, sýret: almaty2017.com