Baıypty baılam, baǵaly baǵdar

Elbasy – «Nur Otan» partııasynyń Tóraǵasy Nursultan Nazarbaevtyń partııa

sezindegi baıandamasy týraly otandastarymyzdyń ortaq oıy osyndaı

Jańa baǵyt, jańa ıdeıa kerek

Nurjan TÚSIPOVA, Shyǵys Qazaqstan oblystyq kásipodaqtar ortalyǵynyń tóraıymy. Aldaǵy ýaqytta Qazaqstan Parlamenti Májilisi depýtattaryn kezekten tys saılaý ótkizilmekshi. Qazirgideı saıası-eko­nomıkalyq jaǵdaıǵa baılanysty bul naýqandy ótkizý óte oryndy ári mańyzdy dep esepteımin. Sebebi, bizge jańasha baǵyt-baǵdar, jańasha ıdeıalar kerek, al ol úshin Májilis depýtattyǵyna jańasha jumys isteı alatyn bilikti de bilimdi azamattardy saılaýymyz qajet. Meniń oıymsha, quramy jańadan jasaqtalatyn Parlamentte tek qana jastar, ıa bolmasa, tek qana jasy egde azamattar bolmaı, belgili bir tepe-teńdik saqtalǵany jón. Ár salada jumys istep júrgen jalyndy jastardyń nemese orta býynnyń kózqarastary, oılaý júıesi ártúrli bolǵanymen, olardan tájirıbe talap eti­ledi. Máselen, «Bolashaq» baǵ­darlamasymen shetelden oqyp kelgen jas­tar týraly aıtar bolsaq, olar bizdiń ishki ómirimizdi kóp bile bermeıdi dep oılaımyn. Nege? Sebebi, olar 5-6 jyl boıy shetelde oqyp júrdi, ózge qoǵamnyń ómirine beıimdelip qaldy. Meniń ózimniń nemerem de 3 jyl Ulybrıtanııadaǵy kolledjde oqyp, Qazaqstanǵa oralǵan bolatyn. Keıin osynda biraz qyzmet etip, qaıtadan Máskeý qalasyna oqýǵa ketti. Kórdińiz be? Qazirgi jastar áli de oqyǵysy, jetilgisi, biliktiligin arttyrǵysy keledi. Árıne, olardyń kreatıvti oılaý júıe­si memleketimizge qajet. Son­dyqtan, elimiz qandaı da bir ózgeriske qadam baspas buryn, kez kelgen máse­leni jan-jaqty súzgiden ótkizip, saraptap, su­ryp­taýy qajet. Demek, naýryz aıynda ótetin saılaýǵa óz isiniń bilgirleri men mamandary kandıdat retinde usynylyp, eger, ótip jatsa, mem­leketimizdiń alǵa jyljýyna úles qos­sa eken degen shynaıy tilek-nıetimiz bar. Bizdiń aldymyzda turǵan mindet –   Elbasynyń bes ınstıtýttyq reformasyn, ony júzege asyrýǵa sep bolatyn «100 naqty qadamdy» iske asyrý. Máselen, bizdiń Kásipodaqtar ortalyǵy bul baǵytta úlken jumystar atqaryp jatyr. Byltyrǵy jyldyń qarasha aıynda jańadan Eńbek kodeksi qabyldanǵany belgili. Sodan beri jańa kodeksti jumys berýshilerge túsindirip, jetkizip kelemiz. Jańa kodekste olardyń quqyqtary jaqsy kórsetilgen. Al sol jumysshylardyń quqyqtaryn qorǵaý – kásipodaq uıymdarynyń mindeti. Búginde Shyǵys Qazaqstanda 165 myń adam – kásip­odaq múshesi. Al respýblıka boıynsha 2 mıllıonnan astam kásipodaq músheleri bar.

Kásibıler ǵana sapaly zań qabyldaıdy

Aldan SMAIYL, jazýshy, Memlekettik syılyqtyń laýreaty. Parlament Májilistiń jańaryp otyrýy zańdy prosess. Sońǵy shaqyrylymdaǵy emes, besinshi shaqyrylymdaǵy Májilis depýtattary da saıası jaǵdaıdy eskere otyryp, óziniń qyzmetin merziminen bu­ryn toqtatqan edi. Osy joly da solaı boldy. Qazir álemdi turaqsyzdyq bılep, damyǵan elderdiń ózinde ekonomıkanyń az da bolsa tómendeýi baıqalady. Oǵan munaı baǵasynyń arzandaýy da óziniń zalalyn tıgizip otyr. Shyn mánisinde, bul Májilis sııaq­ty zań shyǵarýshy organnyń jańarýyn qajet etedi. Búgingi ótken «Nur Otan» partııa­synyń kezekten tys XVII sezinde ózekti máseleniń bári jan-jaqty talqylandy. Ýaqyt talabynan týyndap otyrǵan problemalardy eńserýge qatysty saılaýaldy baǵdarlama qabyldandy. Al sezde jarııalanǵan partııalyq tizimge qaraıtyn bolsaq, aldaǵy Májilis saılaýyna tájirıbeli jańa adamdar usynylyp otyrǵan sııaqty. Jalpy, Májilis depýtaty zań shyǵaratyn adam bolǵandyqtan óziniń kásibı salasyn jaqsy bilýi kerek. Injener óz sala­syn, munaıshy óz salasyn, aýyl sharýashylyǵy mamany óz salasyn tereń bilýi tıis. О́ıtkeni, zańnyń barlyǵy sala-sala boıynsha qabyldanady ǵoı. Mysaly, sharýa qojalyǵy týraly zań bolýy múmkin, munaı salasyna qatysty zań bolýy yqtımal. Bilim salasyn damytýǵa baılanysty zań bolýy múmkin. Mine, sol kezde salany jetik bilgen kásibıler ǵana sapaly zań qabyldaı alady. Bul birinshiden. Al ekinshiden, belgili bir zań jobasyn qaraǵan sátte basqa elderdiń tájirıbesin, zańynyń erekshelikterin zerttep, elep-eksheı bilýi qajet. Qazaqstan endi ǵana damý jolyna túsken el bolǵan soń damyǵan elderdiń tájirıbesin, onyń ishinde, zań shyǵarýshylyq saladaǵy tájirıbesin meńgerýge tıistimiz. «Nur Otan» partııasy saılaý dodasyna qosyp otyrǵan úmitkerler arasynda osyndaı bilikti jandar kóp qoı dep úmittenemin.

Elbasy sheshimi – óte durys sheshim

Atsalım IDIGOV, «Ognı Alataý» oblystyq gazetiniń bas redaktory, «Nur Otan» partııasy Saıası keńesiniń múshesi. Áýeli Parlament Májilisiniń saılaýyn merziminen buryn ótkizý máselesine toqtala keteıin. Májilis depýtattarynyń bastamasyna oraı Elbasynyń qabyldaǵan sheshimi óte durys boldy. Bir jaǵynan qazir daǵdarys beleń alyp tur. Osyndaı kezeńde eldi biriktiretin faktor bolý kerek. Ekinshiden, saılaý halyqty biriktiretin, yntymaqqa úndeıtin faktor bolyp tabylady. Úshin­shiden, saılaýdy jyl aıaǵyn­da ótkizetin bolsaq, naǵyz daǵdarystyń shyrqaý shegine jetken kezeńine baryp tire­letin edik. Ol kezde saılaý qarjylyq jaǵynan da shy­ǵyndy kóp talap etýshi edi. Sol sebepti, Elbasynyń qa­byl­daǵan sheshimi durys dep esepteımin. «Nur Otan» partııasynyń kezekten tys sezi aldaǵy saılaýǵa daıyn­dyq qoı. Sezdiń kún tár­tibinde eki másele qaraldy. Birinshi – partııanyń saılaýaldy baǵdarlamasyn qabyldadyq. Ekin­shi – aldaǵy Parlament Máji­lisine saılaýǵa qatysatyn partııalyq tizimdi bekitip, ıaǵnı úmitkerlerdi iriktedik. Budan basqa alqaly jıynda partııanyń saılaýaldy strategııasy men taktıkasyn aıqyndadyq. Aldaǵy ýaqytta ne isteımiz, aldymyzǵa qoıǵan maqsat-mindetter qandaı, oǵan jetý úshin ne isteýimiz kerek, qysqasy, kópti tolǵandyrǵan máse­le­lerdi talqyladyq. Sóıtip, kún tárti­bindegi máselelerge saı sheshim qabyl­dandy. Elbasy daǵdarysty tek kúshti halyq qana eńserip shyǵady dep aıtqan edi ǵoı. Máń­gilik El bolamyz dep jatyrmyz, ol úshin rýhy­myz kúshti bolýy kerek. Prezıdent aıt­qandaı, bizdi osyndaı qıyn kezeń odan sa­ıyn biriktire túsedi. Daǵdarystan shyǵyp qana qoımaı, odan shyńdalyp, myqty bolyp shyǵa­tynymyzǵa senimim mol. Aldaǵy saı­laý el­digimizdi tanytatyn taǵy bir beles bolmaq.

Jastar úshin múmkindikter kezeńi

Aıdyn SÁBITOV, «Qazaqstan jastary kongresiniń» atqarýshy dırektory. Qazirgi tańda Parlament Májilisi depýtattarynyń kezekten tys saılaýyn ótkizý óte mańyzdy sheshim. Ony dúnıe­júzinde bolyp jatqan jaǵdaılarmen, álemdi shar­laǵan daǵdaryspen de baıla­nystyrýǵa bolatyn sekildi. Jańadan jasaq­talatyn Parlament Máji­lisi depýtat­tarynyń arasynda jastar ókilderiniń bolǵany da jón dep esepteımin. Nege? Sebebi, jastar óte jyldam, kreatıvti oılaıdy, tez sheshim qabyldaıdy, jańa saıası naýqandarǵa tez beıim­deledi. Sondyqtan, olardy eli­mizdiń saıası ómirine tartyp, aralastyrýymyz kerek. Máselen, olardyń qatarynda «Bolashaq» baǵdarlamasymen bilim alyp kelgen azamattardyń bolǵany da mańyzdy. О́ıtkeni, olar shetelde oqyp, Batystyń jańa tehnologııalaryn kórip, sol jaqtyń bilim nárimen sýsyndap keldi. Sondaı-aq, ózimizde, ıaǵnı Qazaqstanda bilim alǵan ultjandy azamat­tardyń da jańa reformalardy júzege asyrýdaǵy kózqarastary erekshe bolýy múmkin. Demek, ynta-jigeri, biliktiligi bar kez kelgen azamat ózin kandıdat retinde tirkeýge múm­kindigi bar dep oılaımyn. Qazirgi tańda «Qazaqstan jastary kongresiniń» mindeti – ol eli­mizdegi jas­tardyń basyn biriktirý. Olar­dyń oıyn, jobalaryn memleketke jetkizý, sáıkesinshe, memlekettik jobalardy jastarǵa jetkizý. Biz jastar men memleket arasyndaǵy kópir bolǵymyz keledi. О́tken jyly osy baǵyttarda úlken jumystar atqaryldy. Olardan bólek, biz halyqaralyq is-sharalarǵa da qatysamyz. Jalpy, Qazaqstan boıynsha 100-den astam uıym «Qazaqstan jastary kongresine» múshe.

Biliktilik pen kásibılik saralanar shaq

Sáttar QÝAShBAI, Ońtústik Qazaqstan oblystyq máslı­hatynyń depýtaty. Men «Nur Otan» par­tııasynyń XVII sezine Oń­tústik Qazaqstan oblysynyń Shymkent qalasynan arnaıy delegat retinde keldim. Jalpy, 20 naýryzda ótetin Parlament Májilisi depýtattaryn kezekten tys saılaý der ýaqytynda ótikizilgeli otyr dep oılaımyn. Oǵan bir jaǵynan, qazirgi jahandyq geosaıası jaǵdaıdyń turaqsyzdyǵy jáne munaı baǵasynyń tómendep ketýi sep bolyp otyr. Al ol bizdiń memleketimizge de óz áserin tıgizýde. Sol sebepti, jańadan jasaqtalǵan Parlament Májilisi depýttary el ekonomıkasyn damytýǵa hal-qaderinshe yqpal etedi degen senimimiz bar. Árıne, mundaı daǵdarystar buryn da bolǵan. Olar keledi de ketedi. Alaıda, biz oǵan «birligi men yntymaǵy jarasqan» el retinde kúsh biriktirý arqyly ǵana tótep bere alamyz. Negizinen, Parlamentke bilimdi de, bilikti jastar da, tájirıbeli mamandar da kelýi kerek. Biz olardyń áleýetin paıdalanýymyz kerek. Memleketimiz aldaǵy ýa­qyt­ta úlken reformalardy júzege asyrýy kerek. Solardyń biri – Ult Jospary. Al sol Ult Josparyn nátıjeli iske asyrý úshin bizge ekonomıkalyq turǵyda da, zańdyq turǵyda da keńinen, tereńnen oılaı alatyn azamattar qajet. Sondyqtan, 20 naýryzda ótetin saılaýǵa kandıdat retinde bilikti azamattar saılanyp, olar óz kezeginde elimizdiń qıyndyqtardan aman-esen ótýine yqpal etse dep oılaımyz.