TARAZ. 2 aqpan. Taraz qalalyq IIB JPQ qyzmetkerleri qoǵamdyq kólikte qalta urlyǵynyń aldyn alý maqsatynda jedel- profılaktıkalyq is-shara júrgizdi. Bul týraly egemen.kz tilshisi habarlady.
Is-shara barysynda 1997 jyly týylǵan N. esimdi azamatsha aryzdandy. Onyń aıtýynsha, №40 baǵyttaǵy qoǵamdyq avtokólikte onyń kúrteshesiniń qaltasynan «Samsýng Galaksı A-3» markaly uıaly telefonyn urlap ketken.
Bul qylmys boıynsha polısııa qyzmetkerleri júrgizgen jedel- izdestirý is-sharasy nátıjesinde 1967 jyly týǵan oblys ortalyǵynyń jergilikti turǵynyn ustady.
«Atalmysh qylmys boıynsha Taraz qalalyq IIB 3-PB qyzmetkerleri QR QK – niń 188-babynyń 1-tarmaǵymen qylmystyq is qozǵady. Qazirgi tańda sotqa deıingi aldyn ala tergeý jumystary júrgizilýde», deıdi Taraz qalalyq IIB JPPB komandıri, polısııa maıory Baqytjan Joldasbekov.
Oralhan Dáýit.
Derek, sýret: egemen.kz