QARAǴANDY. 25 aqpan. Qaraǵandyda jol talǵamaıtyn kólik júrgizýshisi joldan ótip bara jatqan qart adamdy soqqyǵa jyqqan. Bul týraly newtimes.kz saıtyna silteme jasaǵan egemen.kz tilshisi habarlady.
Oqıǵa qaladaǵy ortalyq kóshe – Buqar jyraý dańǵylynda bolǵan. Joldyń ruqsat etilmegen jerinen ótip bara jatqan qarııany kólik júrgizýshi aldymen balaǵattap, odan keıin uryp jyqqan. Buzaqy munymen de qoımaı qulap jatqan qart adamǵa taǵy da birneshe márte soqqy jumsaǵan.
Jol ústinde jatqan qarııaǵa jedel járdem kóligi medısınalyq kómek kórsetti. Japa shegýshi dárigerlerge basynyń jáne de qolynyń qatty aýyryp turǵany týraly shaǵymdanǵan.
Qazirgi ýaqytta polısııa qyzmetkerleri qarııany soqqyǵa jyqqan kúdiktini anyqtaý jumystarymen aınalysýda.
Qaırat Ábildınov.
Derek: newtimes.ru.
Sýret: today.kz.