ATYRAÝ. 1 naýryz. Atyraý oblysynda múlikti zańdastyrý sharasy barysynda turǵyndardyń 5,2 mlrd. teńgeni quraǵan qarjysy jarııa etildi. Bul týraly Atyraý oblysy boıynsha memlekettik kirister departamenti baspasóz qyzmetiniń málimetine silteme jasaǵan egemen.kz tilshisi habarlady.
Múlikti zańdastyrý sharasy bastalǵaly bergi merzimnen turǵyndar tarapynan 1206 ótinish túsipti. О́tinishterdi saraptaǵan komıssııa sheshimimen bıylǵy 1 naýryzǵa, ıaǵnı, dál búginge deıin jalpy quny 9,8 mlrd. teńgeni quraıtyn múlikter, sonymen birge, budan bólek 5,2 mlrd. teńgeniń qarjysy jarııa etilip otyr.
Al el aýmaǵynan tysqary, ıaǵnı, shet eldegi múlikke qatysty 8 ótinish berilgen. Osy ótinishter negizinde 74 mln. teńgeniń múligin de jarııa etýge komıssııa sheshimi alyndy.
Joldasbek Shópeǵul.
Derek: Atyraý oblysy boıynsha memlekettik kirister departamenti.
Sýret: 7kun.kz.