ALMATY. 23 naýryz. Almaty qalasyndaǵy «Almaty» shıpajaıy bıyl Prezıdent ákimshiligi qoldaýymen Naýryz merekesi men týrızmdi nasıhattaý isin biriktirdi. Bul týraly egemen.kz tilshisi habarlady.
Bıylǵy Naýryz merekesinde shıpajaıda demalyp, em qabyldap jatqandar aıtarlyqtaı aıryqsha oqıǵalarǵa, qyzyqty sharalarǵa kýá boldy.
Naýryz merekesinde úlken dastarhan jaıyldy. Shıpajaı aýmaǵynda «Qurmet» alleıasy ashylyp, oǵan alǵashqylardyń qatarynda tanymal óner tulǵalary Asanáli Áshimov Eskendir Hasanǵalıev, Altynbek Qorazbaev, Roza Rymbaeva, Jeńis Ysqaqova, Olımpıada chemıpıony Ermahan Ibraımov, Qurmanǵazy atyndaǵy Akademııalyq halyq aspaptar orkestri ókilderi men «MýzART» toby óz shyrshalaryn otyrǵyzdy.
Shıpajaı demalýshylaryna asa unaǵan is-sharada joǵarydaǵy áıgili ánshilermen birge О́mirqul Aınııazov, Asqar Júnisbekov, Ulyqpan Joldasov, Áset Balǵazın, «Qońyr», «Dıeta.kz», «Ulytaý» toptary óner kórsetti.
Aıryqsha qyzyqty ótken meıramda almatylyqtar men shıpajaı qonaqtaryna sporttyq jarystar, arqan tartý, qazaq kúres ónerleri, gir kóterý, darts jáne basqa da sport saıystary kórsetildi.
Sonymen birge «Gannover» jylqylarynyń bıi, Oral Tańsyqbaev atyndaǵy Almaty sándik-qoldanbaly óner kolledji stýdentteri uıymdastyrǵan ulttyq qoldanbaly óner kórmesi kópshilik kóńilinen shyqty.
Aınash Esalı.
Derek, sýret: egemen.kz.