ASTANA. 23 naýryz. Anglııanyń Ýorrıngton qalasynda tanymal The Beatles tobynyń 1962 jyly shyqqan kúı tabaǵy 77,5 myń fýnt sterlıngke satyldy. Bul týraly egemen.kz tilshisi habarlady.
Aýksıonda satylǵan kúıtabaqta The Beatles-tyń Pol Makkartınımen birge shyrqaǵan Till There Was You jáne toptyń jeke oryndaǵan Hello Little Girl ánderi jazylǵan. Mýzyka salasynyń sarapshylary bul plastınkany «qasıetti graal» dep atap ketken. Qundy dúnıe tanymal HMV saýda jelisinde daıyndalǵan.
Aıta keteıik, ótken jyldyń jeltoqsan aıynda atalǵan toptyń sırek nusqada shyqqan «Aq albom» án jınaǵy 790 myń AQSh dollaryna satylǵan bolatyn. Sanaýly nusqada shyqqan albom toptyń barabanshysy Rıngo Starrǵa tıesili bolǵan. Bul aýksıon 2015 jyly 300 myń dollarǵa satylǵan Elvıs Preslıdiń «Rok-n-roll patshasy» albomynyń qoıǵan rekordyn jańartty.
The Beatles toby Anglııanyń Lıverpýl qalasynda qurylǵan. Mýzyka tarıhyndaǵy eń sátti ári synshylardyń tarapynan qurmetke ıe bolǵan rok toby.
Aıan Ábdýálı.
Derek: TASS.
Sýret: dmitrovets.ru.