ORAL. 23 naýryz. Keshe, Ulystyń Uly kúninde Batys Qazaqstan oblysynda tabıǵat tosyn minez tanytty. Atap aıtqanda, japalaqtap jaýǵan qar keshke deıin tolastamaı, Aqjaıyq atyrabyn áp-sátte aq kórpege orady da tastady. Bul týraly egemen.kz tilshisi habarlady.
Naýryzda jaýǵan qardy jaqsylyqqa joryǵan halyq bıyl jyl jaqsy, astyq mol bolady degen boljam jasady. Sondaı-aq, appaq qar, kirshiksiz aq kóńilder adamdardyń aldaǵy armandaryna jol ashqandaı áserge bóledi.
Naýryzdyń aqsha qary jóninde halqymyzdyń aýyz ádebıetinde de aıtylatyn ápsanalar az emes. Sonyń bári tek tamsaný men jáne sheksiz súıispenshilikpen aıtylady. Mine, qarańyz! «Qyz Jibek» eposynda bylaı delinbeýshi me edi? Qyz Jibektiń aqtyǵy, Naýryzdyń aqsha qaryndaı. Aq betiniń qyzyly, Aq taýyqtyń qanyndaı. Tamasha emes pe?! Súri qardy eritip, jerdiń betiniń jylýyna jol ashatyn bul qardy qusqanaty deıdi halqymyz. Naýryzdyń osy aqsha qary aldaǵy yrys kózine, mereke bastaýyna aınalsyn!
Temir Qusaıyn.
Derek: egemen.kz.
Sýret: photopolygon.com.