Halyqaralyq normalarǵa saı ótken saılaý

Qazaqstannyń Reseıdegi elshiliginde kezekten tys parlamenttik saılaýdyń qorytyndylaryna arnalǵan brıfıng bolyp ótti Qazaqstan elshiliginiń Reseı­degi keńesshi-elshisi Marat Syz­dyqov jınalǵan jýrna­lıs­terdi daýys berýdiń qorytyn­dylarymen jáne halyqaralyq baıqaýshylardyń saılaýǵa ber­gen baǵasymen tanystyrdy. Qazaqstandyq dıplomat Qazaq­­stan Respýblıkasy Orta­lyq saı­laý komıssııasynyń naqty derek­terine sáıkes Par­lament Máji­lisine úsh par­tııa – «Nur Otan» (82,2%), Qa­zaq­stannyń «Aq jol» demo­kratııalyq partııasy (7,18%) jáne Qazaqstannyń Kom­mý­nıs­tik halyq partııasy (7,14%) ótkenin habarlady. Zań boıyn­sha belgilengen 7%-dyq tabal­dyryqty «Aýyl» halyq­tyq-demokratııalyq pat­rıottyq par­tııasy (2,01%), Jal­p­y­ult­tyq sosıal-demo­kratııalyq par­­tııa (1,18%) jáne «Birlik» saıa­sı partııasy (0,29%) eńsere almady. Osylaısha, depýtattyq mandattar tómendegishe bóli­netin boldy: «Nur Otan» – 84 mandat, «Aq jol» – 7 mandat, QKHP – 7 mandat. Qazaqstandaǵy parlamenttik saılaýlar úshin rekordtyq joǵary kórsetkish bolyp taby­latyn daýys berýge kelýshi­lerdiń sany 72,12 paıyzdy quraǵany erekshe atap ótildi. Sarapshylar men baıqaý­shy­lardyń pikirlerinshe, bul Qazaq­stan azamattarynyń quqyq­tyq mádenıetiniń joǵary deńgeıi men óse túsken saıası belsendiliginiń aıǵaǵy bolyp tabylady. Reseıde saılaýǵa barlyǵy 2 79­0 Qazaqstan azamaty qatys­ty. Máskeý­degi Qazaqstan elshi­liginiń janynan qurylǵan jáne Qazaqstannyń Sankt-Peterbýrgtegi, Ombydaǵy, Ast­rahan men Qazandaǵy konsýl­dyq mekemelerine kelgen saılaýshylar daýys berýge tıistilerdiń 98,41%-yn qurady. Máskeýde, tutastaı alǵanda, 1 179 adam daýys berse, bul qazaq­standyqtardyń 97,04%-y ózderiniń azamattyq paryzdaryn oryndady degendi bildiredi. Tutastaı alǵanda, Reseı bo­­ıyn­sha daýys bergen qazaq­stan­dyq saı­laýshylardyń tań­daýlary tómendegishe bol­dy: «Nur Otan» partııasy úshin – 87,98%; Qazaqstannyń «Aq jol» demokratııalyq pa­r­tııa­sy úshin – 6,11%; Qazaq­stan­­nyń Kommýnıstik halyq par­tııasy úshin – 3,83%; «Aýyl» halyq-demokratııalyq pat­­rıot­tyq partııasy úshin – 1,02%; Jalpyulttyq sosıal-demo­kratııalyq partııa úshin – 0,73% jáne «Birlik» saıası partııasy úshin – 0,33%. Saılaýdy joǵary demokra­tııa­lyq talaptarǵa saı ótkizý úshin qajetti barlyq sharalar qabyldandy. Qazaq­stan Res­­pýb­lıkasy Ortalyq saı­laý ko­mıs­sııasynyń elektorattyq úde­risiniń monıtorıngi úshin sheteldik baıqaýshylardyń úlken bóligi akkredıtteldi. Shet memleketter men halyqara­lyq uıymdardan (TMD, ShYU, EQYU, IYU, TMYK jáne t.b.) jalpy sany 817 baıqaý­shy qatysty. Qazaqstan Respýb­lı­kasynyń Syrtqy ister mı­nıstrligi álemniń 29 elinen 140 BAQ ókilin akkredıttedi. Brıfıngtiń sońynda M.Syz­dyqov, halyqaralyq baıqaý­shylardyń baǵalaýyna sáıkes, saılaýdyń ashyq jáne móldir, halyqaralyq stan­dart­tarǵa tolyq saı, sondaı-aq, Qazaq­stannyń Konstıtýsııasy men saı­laý zańnamalarynda qaras­ty­rylǵan erejeler men normalarǵa sáıkes ótkenin atap kórsetti. Sáýlebek BIRJAN.