El birliginiń úlgisin kórsetti

Kez kelgen saılaýdyń eldiń bolashaǵy úshin mańyzy zor. Sol sebepti de, onyń ótý barysyna erekshe mán beriledi. Osy rette Qazaqstan azamaty saılaýshy retinde elimizde ótken Parlament Májilisi men barlyq deńgeıdegi máslıhat depýtattaryn saılaý naýqany laıyqty deńgeıde ótkenin aıtqym keledi. Muny halyqaralyq baıqaýshylar da qaperlerine alyp, joǵary baǵalaryn berýde. Endeshe, kezekti ret saılaýdy ádil ári ashyq ótkizgen Qazaqstandy taǵy bir saıası belesti baǵyndyrdy deýge tolyq negiz bar. Osy saıası dodada búkilhalyqtyq qoldaýǵa ıe bolyp, saılaýshylar daýy­synyń 82,20 paıyzyn alǵan «Nur Otan» partııasyn jarqyn jeńisimen qut­tyqtaımyn. Bul – Elbasynyń eldiń erteńi úshin qolǵa alǵan ıgi bastamalarynyń aıasyna toptasqan bar­sha halyqtyń je­ńisi. Saılaýǵa bir kisi­d­eı qatysyp, óz tań­daýyn ja­sa­ǵan qa­­zaqstandyq­­tar el­­­d­egi turaqtylyq pen tatý­lyqty, yn­­­t­y­­maq pen keli­sim­di, beıbitshilik pen birlikti búkil álemge pash etip, bizdiń durys joldy tań­da­ǵanymyzdy taǵy bir aıǵaqtap berdi. Saılaýǵa daýys berýshilerdiń 77,12 paıyzynyń qatysýy halyqtyń óz bolashaǵyna beıjaı qaramaıtynyn bildiredi. Buryn-sońdy Parlament Májilisi saılaýynda mundaı belsen­dilik­tiń bolmaǵanyn eskersek, bú­gin­de Qazaqstan halqynyń saıası saýa­ty artqan, azamattyq min­dettiń jaýap­kershiligin sezinetin, eldiń erteńi úshin alańdaıtyn deńgeıge jetkenin ańǵaramyz. Atalǵan saılaýǵa T.Júrgenov atyndaǵy Qazaq ulttyq óner akade­mııasynyń ujymy da bir kisideı atsalysyp, óz tańdaýlaryn jasady. Eldegi mádenıet pen ónerdiń damýyna ózindik úlesin qosyp kele jatqan akademııa qyzmetkerleri Qazaqstannyń bolashaǵy jarqyn bolaryna senimmen qaraıdy. Meńinshe, «Nur Otan» par­tııasynyń talassyz jeńisi – zańdylyq. Sebebi, osyǵan deıin de elimizde aıtarlyqtaı is tyndyryp, halyqtyń qoldaýyna ıe bolǵan partııanyń bul jolǵy saılaý­al­dy baǵdarlamasy búgingi saıası jáne ekonomıkalyq talap­tardyń údesinen tolyq shyǵady. Onda daǵdarysty eńserý úshin Elbasy kórsetip bergen strategııalyq reformalardy iske asyrýdyń basym baǵyttary, halyqtyń áleýmettik jaǵdaıyn jaqsartýdyń negizgi tetikteri jáne eldiń damýyna tyń serpin beretin jańa jobalar kórinis tapqan. Sondaı-aq, halyqtyń mádenıeti men rýhanı ómiri de nazardan tys qalmaǵan. Sol sebepti, halyq ózin sózben emes, ispen dáleldegen partııany tańdady. Endi Májilis qabyrǵasyna isker, óz isiniń naǵyz mamany, patrıot azamattar keledi dep úmittenemin. Olarǵa aldaǵy jumystaryna sáttilik jáne jemisti eńbek tileımin. Bıbigúl NÚSIPJANOVA, T.Júrgenov atyndaǵy Qazaq ulttyq óner akademııasynyń rektory.