Bıylǵy saılaý elimiz úshin aıtarlyqtaı kúrdeli kezeńde ótti. Osy turǵydan keletin bolsaq, onyń mańyzy tek arta túsetinin baıqaımyz. О́z basym jergilikti máslıhattar depýtattaryn saılaýǵa, sondaı-aq, saıası partııalardyń saılaýyna da sanaly túrde jáne úlken jaýapkershilikpen keldim.
Bıylǵy kezekten tys Parlament Májilisiniń saılaýynda «Nur Otan» partııasy 82,2 paıyz daýys alyp, aıqyn basymdyqpen jeńiske jetti. Bul jeńisti óz basym zańdy sanaımyn. О́ıtkeni, halyq seniminen kóringen partııa retinde ol Otanymyzda atqarylyp jatqan kóptegen oń isterdiń bastaýynda tur.
Qazir men jastardyń ýaqyty keldi dep esepteımin. Sondyqtan, ózimniń daýysymdy jas úmitkerler úshin berdim. О́ıtkeni, olar álem elderinde kóp bolady, ózderiniń kórgen-bilgenderin elimizdi ári qaraı damytý úshin qoldanýlaryna múmkindikteri mol.
Olardyń aldaryna asa aýqymdy mindetter qoıyp, soǵan jetý úshin maqsatkerlikpen umtylatyndyqtary. Bul jaıt qala ákiminiń komandasy mysalynda aıqyn kórinedi.
Qazir bılikte eýropalyq bilim alyp, jalpyǵa ortaq kóptegen álemdik standarttardy bizdiń ómirimizge engizýge talpynyp júrgen qyz-jigitter kóp. Olar bılik organdaryndaǵy, azamattyq qoǵamnyń rólindegi jumystarmen baılanysty kóptegen nárselerge sony kózqaras tanytady. Jastardyń jumysqa degen ustanymdary kreatıvtiligimen jáne jańashyldyǵymen erekshelenedi.
Men Ońtústik Qazaqstan oblysynda dúnıege keldim jáne ómir boıy osynda turyp kelemin. Sońǵy kezderi ómirimizdiń jaqsara túskeni de aıqyn ańǵarylady. Osy oń ózgeristerdiń barlyǵy – negizinde turaqtylyqqa, ultaralyq kelisim men izgi kórshilestikke degen umtylys jatqan Memleket basshysy saıasatynyń nátıjesi.
Meniń jolym bolyp, Elbasymen birneshe márte kezdestim. Sol kezderi Memleket basshysynyń árqashan jastarǵa qoldaý kórsetip, olardy jaýapty laýazymdarǵa ilgeriletýge umtylatynyn baıqaıtynmyn. Mundaı senim mandaty tolyqtaı ózin ózi aqtap keledi jáne elimizdiń reformalar jolymen senimdi ilgerileýine múmkindik berýde.
Anatolıı ShERBAKOV,
jekemenshik klınıkanyń basshysy.