TARAZ. 24 naýryz. Taraz qalasynda «Blogquryltaı-2016: Taraz» sharasy ótti. Bul týraly egemen.kz tilshisi habarlady.
Qazaq eliniń ınternettegi ımıdjin kóteretin toptar qalyptastyrý, memlekettik ıdeologııany ınternet arqyly júzege asyrý, jastardyń mýltımedııalyq jańa tehnologııalardy meńgerýine yqpal etý, sapaly pikirtalas mádenıetin qalyptastyrý, blogshylardyń jańa elıtarly ortasyn qurý, qazaq tilindegi blogtarǵa qatysty zańnamalyq máselelerdi taldaýdy basty maqsat etken is-shara osymen altynshy ret ótkizilýde. Qazirgi aqparat ǵasyrynda áleýmettik jeliler men ǵalamtordy tıimdi paıdalanýda blogshylardyń azamattyq qoǵamdy qalyptastyrýda qosar úlesteri zor. Elimizde búgingi kúni 300-ge jýyq qazaq tilinde blogtar bar. «Blogquryltaı-2016: TARAZ» sharasy jańa medıa mamandarynyń, saıt jasaýshylardyń ózara tájirıbe almasý alańyna aınaldy. Oǵan Astana men Almaty qalalarynan jáne ózge de óńirlerden 200-den asa blogshylar men qonaqtar qatysty.
Quryltaı aıasynda tájirıbeli mamandardyń júrgizýimen túrli baǵyttarda dárister oqylyp, eń úzdik prezentasııalar men start-aptar tanystyryldy. О́zge óńirden jınalǵan blogshylar kóne qalanyń tarıhı-mádenı jádigerlermen jáne áleýmettik mańyzdy nysandaryn aralap, Qazaqstan Respýblıkasy Táýelsizdiginiń 25 jyldyǵyna oraı «Kóne Taraz» tarıhı-mádenı ortalyǵynda aǵash otyrǵyzdy.
Oralhan Dáýit.
Derek: egemen.kz
Sýret: Aqádil Rysmahan.