Jańa Parlament aldynda jaýapty mindetter tur

Keshe Elbasy Nursultan Nazarbaev Qazaqstan Respýblıkasy Parlamenti palatalarynyń birlesken otyrysyna qatysyp, VI shaqyrylǵan Qazaqstan Respýblıkasy Parlamenti birinshi sessııasynyń ashylýynda sóz sóıledi.

Qazaqstan Prezıdenti N.Á.Nazarbaev Parlamenttiń VI shaqyrylymynyń birinshi sessııasynyń ashylýynda sóz sóıledi

Keshe Elbasy Nursultan Nazarbaevtyń qatysýymen Qazaq­­stan Parlamenti VI sha­qyry­lymynyń birinshi sessııa­­sy óz ju­mysyn bastady. Ony reg­lament­ke sáıkes Ortalyq saılaý komıs­sııasynyń tóraǵasy Qýan­dyq Turǵanqulov ashyp, depýtattar tolyq tirkelgennen keıin sessııany ashý úshin sózdi Prezıdent N.Nazarbaevqa berdi. Memleket basshysy sessııa jumysyn ashyq dep jarııalaǵan soń Memlekettik Ánuran oryndaldy. Odan ári Prezıdent sózin jalǵastyryp, depýtattardy Má­ji­lis jumysynyń bastalýymen quttyq­tap, ótken saılaýdyń elimiz úshin tarıhı máni bar ekenin aıtty. Barshańyzdy VI shaqyry­lym­daǵy Parlamenttiń birinshi sessııasynyń ashylýymen quttyqtaımyn, dep bastady sózin Nursultan Ábishuly. Qazaqstan Táýelsizdiginiń 25 jyl­dyq mereıli belesin elimiz jańa quram­daǵy Parlamentpen qarsy alýda. Saı­laý­dyń qorytyndysy boıynsha Parla­mentke 3 partııa jáne Qazaqstan halqy As­sam­bleıasynan 9 depýtat ótti. Barshań­yzdy teń báseke jaǵdaıynda ótken saı­laýdaǵy ortaq jeńispen, depýtattar­dy jaýapty qyzmetterińizben quttyqtaımyn! Táýelsizdigimizdiń 25 jyldyǵy ja­han­dyq damý turǵysynan asa kúrdeli ke­zeńge sáıkes keldi. Álemdik daǵdarys shıelenisken jaýapty shaqta halqymyz sizderge zor senim bildirdi. Elimizdi túbegeıli jańǵyrtatyn aýqymdy isterdi zańnamalyq qamtamasyz etý sizderge júkteledi. Bul saılaý erekshe ótip, halyqtyń belsendiligin kórsetip berdi. Búkil dúnıejúzine biz osy jyldar ishinde zańdy, ashyq túrde balamaly saılaý ótkize alatynymyzdy dáleldedik. Dúnıejúziniń sarapshylarynan da, baıqaýshylarynan da oń baǵa aldyq. Bul da biz úshin zor jetistik bolyp sanalady, dep atap ótti Memleket basshysy. Sizderdi VI shaqyrylǵan Par­lament Májilisi jumysynyń bastalýy­men quttyqtaımyn. О́tken saılaý bizdiń elimiz úshin tarıhı mańyzǵa ıe. Onyń nátıjesi qazaqstandyqtardyń búginniń jáne Bolashaqtyń birtutas ulty retindegi joǵary toptasqandyq deń­geıin dál beıneledi. Bizdiń saılaý­lar qazaqstandyq birtektilikti nyǵaıtqan tarıhı aktige aınaldy. Saılaýlarda daýys berý Ult Josparyn qoldaýda búkil­halyqtyq plebıssıt boldy. Bizdiń halqymyz «Nur Otan» partııasyna ta­ǵy da saıası kóshbasshylyqty senip tap­syrdy. Men taǵy da barlyq qazaqstan­dyq­tardy Táýelsizdiktiń 25 jyldyq mereıtoıy jyly ótken saı­laý­dyń tarıhı nátıjelerimen quttyq­taımyn. Son­­daı-aq, Májilistiń jańa qura­mynyń barlyq depýtattaryn parla­ment­shi­ler mártebesine ıe bolýymen quttyq­taı­myn. Parlamenttiń jańa quramy jumysyn aıryqsha qıyn jaǵdaılarda bastaıtyn bolady, dep jalǵady oıyn odan ári El­basy. Búkil álemde kóp ólshemdi jáne kóp deńgeıli daǵdarys beleń alyp tur. Bi­rinshiden, álemdik saýda jáne qarjy naryqtaryna boljam aıtý qıyn. Ol qazaqstandyq ekonomıkaǵa teris áser etedi jáne Qazaqstannyń jahandyq eko­no­­mıkaǵa qosylýynyń obektıvti táýe­keliniń baǵasy bolyp tabylady. Ekin­shiden, tipti, salystyrmaly túr­de qo­laıly elderdiń ózinde de túrli áleý­met­tik problemalar túıinderi óse túsýde. Ol jumyssyzdyqtyń ósýimen, tek ás­ke­rı daý-janjaldar aımaǵynda ǵana emes, sony­men birge, jahandyq eko­nomı­­kalyq daǵ­darysty bastan ótkir ótkizip jat­­qan mem­leketterdegi bosqyn­dar­dyń jańa ja­handyq problemasymen de órshı túsýde. Búginde, bútindeı alǵanda, álem damýy kúrdeli satyda tur. Ekonomıkada da, geo­saıasatta da eshkim úshin qarapaıym sheshim­der bolmaq emes. Bul turǵyda qan­daı da bir qııaldarǵa barýdyń qajeti joq. Ashyǵyn aıtaıyn, bezbendelgen mem­lekettik sheshimdersiz, ótken 3 jyl­da qabyldanǵan jańa zańdar men stra­­tegııalyq baǵdarlamalarsyz ahýal búgin­de áldeqaıda shıelenisti bola túser edi. Onyń bizdiń strategııalyq maqsat­tary­­myzǵa da jáne «2050» Strate­gııa­sy­­nyń, «Nurly Jol» memlekettik baǵdar­­lamasynyń, Ult Josparynyń jáne bas­­qa­lardyń taktıkalyq mindet­terine de qatysy bar, dep atap kórsetti Pre­zıdent. Ústimizdegi jyldyń 1 qańtarynan Qa­zaq­stan jańa quqyqtyq jáne ıns­tıtýt­tyq orta jaǵdaıynda ómir súrýde. Ol 59 zańnyń jáne 400-den astam zań aıasyndaǵy aktilerdiń qabyldanýy arqyly qa­lyp­tasty. Keshe tek jospar  ǵana bol­ǵan­dar búginde shyndyqqa aınaldy. Ár­bir qa­zaqstandyq úshin álemniń eń bir damy­ǵan elderinde oryn alyp otyrǵan jaıt­tarǵa uqsas jańa múmkindikter ashylýda. Memlekettik apparatty merıtokra­tııa jaǵdaıynda qandaı da bir kóleń­keli jaǵdaılarsyz jáne jeke bas qalaýyn­syz jumysqa yntalandyratyn sharalar qabyldandy. Komandalyq aýysý tájirıbesi toqtatyldy. Eger ótken jyldyń 3 aıynda 1722 sheneýnik aýys­tyrylsa, bıylǵy jyly – nebári 90 adam. Teń múmkindikter júıesi retinde memlekettik qyzmettiń jańa mansaptyq modeli bekitildi. Memlekettik qyzmetke eń bilikti jáne saýatty mamandardy irikteýdiń úsh satyly júıesi engizildi. Memlekettik apparatta budan bylaı eńbekke aqy tóleýde teńgermeshilik oryn almaıdy. Kim jaqsy jumys istese, sol kóp tabys tabatyn bolady. «B» ákimshilik korpýsy úshin eńbekaqy mólsheri ósirildi. Memlekettik qyzmet isteri jónindegi jańa mınıstrlik jumys isteıdi. Sybaılas jemqorlyq kórinisteri aldyna jańa tosqaýyldar qoıyldy. Memlekettik qyzmetti reformalaý ákimshilik memlekettik qyzmetshilerge qaıta attestattaý júrgizýge baılanysty sheshýshi satyǵa shyqty, dedi osy oraıda N.Nazarbaev. Qazaqstandyq sot tóreligi men quqyq tártibi júıesi jańa ashyqtyq jáne kásibılik sapaǵa ıe boldy. Qa­zaq­standyqtar men bıznes sýbektileriniń quqyqtaryn sotta qorǵaý deńgeıi endigi jerde EYDU memleketteriniń joǵary standarttaryna sáıkes keledi. Sot zaldarynyń onyń jalpy sanynyń 75 paıyzy aýdıo-beıne tirkeýler júıesimen jaraqtandyryldy jáne bul jumys odan ári jalǵasatyn bolady. Sýdıalar korpýsynyń kásiptik deń­geıin arttyrý úshin jyl saıyn sýdıalyqqa 100 kandıdat tá­ji­rıbelik taǵylym­damadan ótetin bolady. Joǵarǵy Sot janynan Sot tóreligi akademııasy quryl­dy. Ústimizdegi jyldyń tek eki aıyn­­da ǵana 50 azamat Sýdıalyq jıý­rıge sottardyń is-áreketterine shaǵym aıtý­dyń jańa quqyǵyn paıdalandy. Kóptegen atqarýshylyq óndi­rister quzyreti jeke sot oryndaý­shylaryna berildi. Olar búginde 1046 adam. 6634 ýchaskelik polıseılerden turatyn jer­gilikti polısııa qyzmeti quryldy. Polı­seılerdiń turǵyndar aldynda esep berý tájirıbesi engizilýde. Búginde ın­teraktıvti múmkindikti paıdalana otyryp, árbir azamat quqyq qor­ǵaý organ­darynyń jumysyna baǵa bere alady. Elektrondy «Qyl­mystylyq kartasy» jumys isteıdi. Joǵaryda atalǵan eki baǵyt boıynsha búginde sheneýnikterdiń keıbir min­detterdi taǵy da «óz betinshe jiberýge» degen nıetteri baıqalady. Biz belgilegen 100 qadamnan jergilikti jerdegi sheneý­nikterdiń paıdasyna qaraı eshteńe de túzetilýge tıis emes. Bul týraly jaýapty adamdarǵa taǵy da eskertemin, dep erekshe atap kórsetti Memleket basshysy. Bıznesti damytý múddesi úshin ekonomıka men eńbek qatynastary salasyndaǵy ulttyq zańnamalar túbegeıli túrde qaıta jańartyldy. Fermerler men agrarlyq kásiporyndardy qosa alǵanda, otandyq iri, shaǵyn jáne orta bıznes úshin barynsha qolaıly jaǵdaılar men yntalandyrýlar jasaldy. Búkil el bo­ıynsha jańa óndirister men jumys oryndary paıda bolady. Taıaýdaǵy 10 jylda 660 myń jańa jumys oryndaryn qurý josparlanýda, onyń ishinde, 70 myńy – óńdeý jáne ınnovasııalyq sektorlarda. Ulttyq ekonomıkaǵa jańa ınves­tısııalyq yrǵaq berildi. «Bıznesti jeńil júrgizý» reıtıngi boıynsha bizdiń elimiz 189 eldiń ishinde 41-shi oryn alady. Eńbek rynogynyń tıimdiligi boıynsha Qazaqstan 140 eldiń ishinde 18-shi orynda tur. Sheteldik ınvestorlar úshin «jasyl dáliz» ashyldy. Agrarlyq sektorǵa Germanııadan, Italııa men Qy­taı­dan strategııalyq ınvestorlar tartyldy. Olar­dyń qatysýymen Aqmola oblysynda 2 iri taýarly – sút fermasyn jáne zaýyt salý belgilenip otyr. Sol sııaq­ty, Shyǵys Qazaqstan, Aqtóbe, Ba­tys Qazaqstan jáne Qostanaı oblys­tarynda jyldyq jalpy qýaty 37 myń tonna ónimdi quraı­tyn zamanaýı et kombınattary qurylysynyń jobalary da bar. Olarǵa salynatyn jalpy ınves­tısııalar kólemi – shamamen 66 mıllıard teńge. Osy oraıda El­basy jeke menshiktiń 74,4 myń sýbektisi men 576 mıllıard teń­ge somasyndaǵy qundy qaǵaz­dar, son­daı-aq, kólemi 334 mıllıard teńgege jýyq qarjynyń zańdas­tyrylǵanyna da toq­talyp ótti. Qurylys salasy jańa tynysqa ıe boldy. Ol eýrokodtar júıesine kóshý­de. Ruqsat berý qujattaryn usyný merzim­deri 15 jumys kúnine deıin qysqar­tyldy. Qurylys boıynsha saraptamalyq jumystardyń 50 paıyzy básekelestik ortaǵa berildi. Qazaqstanda jahandyq logıs­tıkanyń bir bóligi retinde mýl­tımodaldyq Eý­razııalyq trans­qurlyqtyq dáliz qa­lyp­tasty­rylýda. Qazaqstannyń Qytaı­dyń Lıanıýngan portyndaǵy logıs­tıkalyq aımaǵynyń ózi ǵana bizdiń aýmaq arqyly júk aǵynyn 7 esege ulǵaı­tatyn bolady. Eýropalyq komıssııa «Eır Astana» áýe kompanııasynyń EO elderine ushýlaryna qatysty barlyq shekteýlerdi alyp tas­tady. Densaýlyq saqtaýdyń jańa mem­le­ket­tik baǵdarlamasy júzege asyrylýda. Jańa zańnyń negizinde ǵyly­mı jobalardy júzege asyrý men kom­mer­sııalandyrýdyń biregeı júıesi qury­lýda. 5 otan­dyq ǵylymı taldamalar qa­zirdiń ózinde kommersııalandyrylýda. 6 qazaqstandyq kolledj ózderin jańǵyrtý úshin Dúnıejúzilik bank­ten jalpy somasy 425 mıllıon teńge bolatyn granttar aldy. Bul «Barsha úshin tegin kásip­tik-tehnıkalyq bilim» jobasyn júzege asyrý úshin mańyzdy qadam. Qazirgi ýaqytta Assambleıa qol­daýy­men qazaqstandyq birtek­tilikti nyǵaıtý boıynsha ju­mystar júrgizilýde, dep jalǵady sózin Nursultan Ábishuly. Tór­tinshi reforma – ol, eń aldymen, jańa qoǵamdyq qatynastar, qoǵamnyń jáne mem­lekettiń jańa fýnksııalary men jańa ınstıtýttary. 4 reforma bo­ıynsha bul jumystardyń bári men be­kitken Jarlyqtar arqyly úsh negizgi tu­jyrymdamalar boıynsha júrgizilýde. Ol – Qazaqstandyq birtektilik pen birlikti nyǵaıtý jáne damytý tujyrymdamasy; Qa­zaq­stan halqy Assambleıasyn 2025 jyl­ǵa deıin damytý tujy­rym­damasy; Mádenı saıasat tujy­rymdamasy. Búgin bizdiń Assambleıa alǵash ret aza­mattyq úkimettiń jańa qo­ǵamdyq qyz­meti retinde jumys isteı bastady. Ha­lyq Assam­bleıa­sy alǵash ret áleý­met­tik merı­tokratııanyń júıesi retinde is-qımyl tanytatyn jańa biregeı áleý­mettik lıft retinde iske kiristi. Endi Assambleıa QHA-nyń memleket­tik, azamattyq jáne qoǵamdyq qurylym­darynda mansap jasaý úshin árkimge jańa múmkindikter ashady. Alǵash ret Qazaq­stan halqy Assambleıasynyń res­pýb­lıkalyq ınklıýzıvti medıasııa jeli­si qurylyp, jumys isteýde. Bular – Me­dıasııa orta­lyqtary, Qoǵamdyq kelisim keńes­teri, Analar keńesi, QHA-nyń Ǵy­lymı-saraptamalyq keńesi, As­­sam­bleıanyń 16 óńirlik ǵylymı-sarap­tamalyq toby, dedi Elbasy. «Keri baılanystyń» naq­ty júıesi qurylǵan. Onyń qory­tyn­dysy retinde etnos­aralyq úderisterdi basqarýdyń jańa tıimdi vertıkaly is-qımyl tanyta bas­tady. Qaıyrymdylyq alǵash ret QHA-nyń jańa qoǵamdyq fýnk­sııasyna aı­naldy. 300 iri mese­nattar men qaıyrym­dylyq jasaý­shylardyń pýly jumys isteıdi, kómekti qajet etetinderdiń res­pýb­­­lıkalyq derekter bazasy qu­rylǵan. Tuń­ǵysh ret qaıyrym­dylyq jasaýshy­lardyń jalpy­ulttyq sezi ótkizildi. «Úlken el – úlken otbasy» jobasy sheń­berinde 4800 eldi mekende 7000 is-shara uıymdastyryldy. Bilim berý men ǵylymnyń jańa baǵ­dar­lamasy jumys isteı bastady. Ol ómir boıy oqytýǵa qaıta baǵdar­lan­ǵan jáne baǵytyn eńbek narqynyń sura­nysyna, bilikti kadrlar daıyndaýǵa qaraı ózgertip otyrady. Mundaı qadam mobıldi jumys kúshi  jáne eńbek­pen qamtý úshin nátıjeli orta qa­lyp­­tas­tyrady. Joǵary oqý oryndarynda halyq­­aralyq standarttar boıynsha ak­kre­­dıtteý engi­zilip, syrttaı oqytý qa­shyq­­tyq­tan oqytýmen almastyrylady. Balalar 100% mektepke deıingi oqytýmen qamtylatyn bolady, dedi Nursultan Ábishuly. Memleket basshysy kelesi jyl­dan bastap-aq elimizde kezeń-kezeńimen úshtildi bilim berýdi engizý bastalatynyn atap kórsetti. 2020 jylǵa qaraı 12 jyldyq bilim berýge tolyqtaı kóshý qamtamasyz etiletin bolady. Ár mektep bitirýshi alǵashqy jumys mamandyǵyn tegin meńgerýge múmkindik alady. Ǵalymdardyń boljamy boıynsha, 2020 jylǵa qaraı Jer shary halqynyń 50%-yn «sıfrlyq balalar» quraıtyn bolady. Mektep oqýshylarynyń jańa býynyna tolyqtaı sıfrlyq álemde ómir súrý, oqý jáne jumys isteý buıyrmaq. Sondyqtan, mek­tep­terdi aqparattandyrýdy jalǵas­tyrý qajet. Munsyz bilim berýde jańa mindetterdi sheshý múmkin emes. 2,5 myń mektep qazir­diń ózinde Internetke qosylǵan. Taǵy 1500 mektepti qosý úshin qarjy bólingen. Kóptegen elderdiń úkimetteri osy máseleni ózderiniń baqylaýlarynda ustaýda. Bizde de solaı bolýy tıis. Úkimetke ákimdiktermen birlesip barlyq mektepterde Internettiń úzilissiz jumys isteýin qamtamasyz etýdi tapsyramyn. Bul arada ult­tyq operatorlar áleýmettik jaýap­kershilik tanytyp, mektepter úshin arnaıy tarıfter usynýlary tıis. Biz EYDU-men ıntegrasııa­lanýdamyz, jáne biz dáıekti bolýǵa tıispiz. Barlyq damyǵan elderdiń mektepterinde bes kúndik oqytý aptasy qalyptasqan. Balaǵa qalpyna kelýge, pedagogke dem­alyp, sabaqqa daıyndalýǵa múmkin­dik beriledi. Keıbir elderde, tipti, tórt kúndik oqytý aptasy da bar. Jáne mundaı pishimge kóshý búginde damyǵan elderdiń jalpy­álemdik trendi. Ǵalymdar qazir­diń ózinde oqytý aptasynyń uzaq­tyǵyn qysqartý oqytýdyń nátı­jeliligin arttyratynyn ǵylymı turǵydan dáleldegen. Bizge de osy tájirıbeni engizý kerek. Bilim jáne ǵylym mınıstrligine bul úderisti tym bolmasa bastaýysh mektepterden bastaý kerek,  dedi Prezıdent. Men Qazaqstanda 20 zııatkerlik mektep salý týraly jarııalaǵan edim. Búginde olardyń bári salynyp bitti, dep jalǵady sózin Elbasy. Bul – mektepte bilim berýdegi óte mańyzdy serpilis. Olarda bilim berýdiń jańa maz­muny baıqap kóriledi. Jáne qazir­diń ózinde jaqsy nátıjeler bar. Osy jyly ony taǵy 30 mektep­tiń birinshi synybynda engizý jos­parlanyp otyr. Biraq bul jumys asa baıaý júrgizilýde. Zııatker­lik mektepterde tabysty ótken tájirıbeler búkil elimizde – úsh, ári ketkende tórt jylda en­gizi­letin bolýy tıis. Bilim jáne ǵylym mınıstrligine osy jumys­ty qamtamasyz etýdi tapsyramyn. Esep beretin memleket qalyp­tastyrý boıynsha reformalar aıasynda mańyzdy sharalar qabyldandy. Birinshiden, barlyq mınıstr­likter men ákimdikterde jańa zań­namalyq negizde ÚEU ókilderiniń qatysýymen Qoǵamdyq keńester qurylýda. Olar memlekettiń saıasa­tyn jasap, júzege asyrýda búkil­halyqtyq baqylaýdyń tetigine aınalýy tıis. Ekinshiden, memlekettik jos­parlaýda ońtaılandyrý júzege asyryldy. Túrli deńgeıdegi 8 baǵ­darlama joıýǵa qoıylsa, 4 salalyq baǵdar­lama úkimettik pishinde qaıta be­kitildi. Strategııalyq jos­parlardy jańǵyrtý strategııalyq jáne bıýdjettik josparlaýdyń ózara baılanysyn qamtamasyz etse, bul óz kezeginde qujat aına­lymynyń kólemin qysqartty. Úshinshiden, Memlekettik or­gan­dar­dyń qyzmetin baǵalaýdyń jańa júıesi jumys isteı basta­dy. Memlekettik organdar, ákim­der men ulttyq ýnıversıtet­ter basshylarynyń jyl saıyn halyq aldynda esep beretin tájirıbesi engizildi. Asta­na, Almaty jáne barlyq oblystar ákim­deri esep berdi. Ústimizdegi jyldyń ekinshi toq­­sanynda – mınıstrler, al úshinshi toqsanynda ulttyq ýnı­ver­­sı­­tet­terdiń rektorlary esep be­retin bolady. Tórtinshiden, kólikke jáne eldi me­ken­derdegi jerge salyqtar zań­dy tulǵa­lardan jergilikti ózin ózi basqarý organdaryna berildi. Besinshiden, «Úkimet azamattar úshin» Memlekettik korporasııasy quryldy. Osylaısha, Ult Jospary qoǵam­dyq kelisim men turaqtylyqty nyǵaıtýǵa, Qazaqstannyń ekonomıkasyn jańa ja­han­dyq ahýalda damytýǵa jumys isteýde. Bul bizdi júzjyldyqtaǵy basty maq­satymyz – 30 kóshbasshy elder qa­taryna enýge jaqyndatyp, qoǵamy­myzdy berigirek, laıyqtyraq  jáne senimdirek etedi. Qurmetti depýtattar! dedi Elbasy sóziniń sońynda. VI shaqyrylymdaǵy Parla­ment aldynda ári qaraıǵy zań shyǵar­mashylyq jumys boıyn­sha birqatar mańyzdy mindet tur. Birinshiden, barlyq qarjy prose­dýralarynyń móldirligin qam­tamasyz etetin birtutas salyq jáne keden kodeksterin qa­byl­daý qajet. Ekinshiden, «Jer qoı­naýy men jer qoınaýyn paı­dalaný týraly» kodekstiń qabyl­­da­nýy­men atalǵan saladaǵy qa­rym-qaty­nastardy retteıtin bar­lyq normalar bir zań­namalyq aktige sho­ǵyrlandyrylatyn bolady. Úshin­shiden, qoldanystaǵy elektr ener­getıkasy máseleleri boıynsha zań­namaǵa ózgerister engi­zý kerek. Bul qýat taratýshy uıymdar­dy irilendirý úderis­teri úshin talap etiledi. Tórtin­shiden, mo­nopolııaǵa qarsy salany refor­malaýdyń ekinshi kezeńi sheń­berinde básekelestik máse­leleri jónindegi zań­namalyq aktilerge ózgerister men tolyq­tyrýlar engizý qajet. Besinshiden, zań­namany memlekettik fýnksııalardy básekelestik ortaǵa ári qaraı berý bóliginde jańǵyrtqan jón. Jergilikti ózin ózi basqarý organ­dary máseleleri boıynsha zań­namalyq aktiler olardyń ózderi­niń bıýdjetteri men men­shik­terin tıimdi basqarý úshin je­tildi­riletin bolýy tıis, dedi N.Nazarbaev. Álemdik ekonomıka men halyq­aralyq qatynastardy damytý, álbette, Par­lamentti qosa alǵan­da, memlekettik organ­dardyń jumy­syna óziniń túzetýlerin engizetin bolady. Májilis depýtattary zań shyǵarmashylyq úderiste Parlament Senatymen konstrýktıvti ózara is-qımyl tanytý dástúrin jalǵastyratynyna senimdimin. Májilis ókilettilik etetin barlyq kezeńde zań shyǵar­mashylyq jumystyń Pers­pektıvti josparyn jasaý mańyzdy mindet bolyp tabylady. Jańa jaǵdaılarda tutastaı Par­lamenttiń jáne onyń ár pa­latasynyń jalpysaıası róli men jaýapkershiligi artatynyn erekshe atap ótkim keledi. Par­lamentarıılerdiń partııaara­lyq ózara is-qımylyn kúsheıtip, barlyq fraksııalar men depýtat­tyq toptardyń úılesimdi jumy­syna qol jetkizý kerek. Qazaq­standyq depýtattardyń halyqaralyq parlamentaralyq qoǵamdas­tyqqa belsendi qatysýy – mańyzdy mindet, deı kelip, Nursultan Ábishuly jańa depýtat­tardyń jumysqa jedel qosylaty­nyna, al burynǵy quram depýtat­tarynyń sabaqtastyqty qamtama­syz etip, «jańa arnalarǵa» tez kóshetinine senimdi ekenin bildirdi. Sóziniń sońyn Qazaqstan basshysy tómendegishe túıindedi: Sizder saılaný arqyly jaýap­ker­shilik aldyńyzdar. Eldiń senimine ıe boldyńyzdar. Barshańyzdy taǵy da quttyqtaı otyryp, elimiz­ge tynyshtyq pen amandyq, ózderińiz­ge densaýlyq jáne aldaǵy úlken eńbek jolynda barlyǵyńyzǵa zor tabys tileımin. Prezıdent sózin aıaqtaǵan soń Par­lament Májilisiniń VI shaqy­ry­lymynyń jáne Senat­tyń aralyq kezeńderinde taǵaıyn­dalǵan depýtattary Qazaqstan halqyna ant berip, ony halyq atynan Prezıdent qabyldady. Ant berý rásimi aıaqtalǵan soń Par­lament Májilisi VI saılany­mynyń depýtattary alǵashqy jalpy otyrysyn ótkizý úshin palatanyń ple­narlyq májilister zalyna ótti. Sýretterdi túsirgender S.BONDARENKO, B.OTARBAEV.