Senat Tóraǵasy Qasym-Jomart Toqaev Sıngapýr Respýblıkasynyń Qazaqstan Respýblıkasyndaǵy elshisi Zýlkıflı bın Baharýdındi onyń ótinishi boıynsha qabyldady, dep habarlady osy palatanyń baspasóz qyzmeti.
Áńgime barysynda ekijaqty yntymaqtastyqtyń ózekti máseleleri, sondaı-aq, Sıngapýr parlamenti tóraǵasynyń shaqyrýy boıynsha Senat Tóraǵasynyń aldaǵy (31 naýryz – 2 sáýir) Sıngapýrǵa saparyna ázirlik jaıy talqylandy. Q.Toqaev atap ótkendeı, Qazaqstan Sıngapýrmen ekonomıka salasyndaǵy yntymaqtastyqty nyǵaıtýǵa, sondaı-aq, parlamentaralyq únqatysýdy damytýǵa úmit artady.
Elshiniń aıtýynsha, Sıngapýrda Qazaqstan Parlamenti Senaty Tóraǵasynyń saparyn jáne onyń jyl saıynǵy Sıngapýr forýmyna qatysýyn, Azııa qurlyǵyndaǵy yntymaqtastyqtyń ózekti máseleleri boıynsha negizgi baıandamasyn zor yqylaspen kútýde.