QARAǴANDY. 29 naýryz. Qaraǵandyda belgisiz bireýler «Álem» saýda úıinen altyn buıymdardy tonap ketti. Bul týraly Qaraǵandy oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Urylar bir kúzetshini soqqyǵa jyqqan. Aldyn-ala boljam boıynsha, syrtqy shyny esikti syndyryp kirgen. Olar sondaı-aq, qymbat kosmetıkalyq zattardy da tonap áketti. Qazirgi ýaqytta saraptamalar taǵaıyndalyp, keltirilgen shyǵyn kólemi anyqtalýda.
Oblystyq ishki ister departamentiniń basshylyǵy jedel-izdestirý jumystaryna kiristi.
Qaırat Ábildınov.
Derek, foto: Qaraǵandy oblystyq ishki ister departamentiniń baspasóz qyzmeti.