ALMATY. 29 naýryz. Almaty qalasynda Iran kınosynyń aptalyǵy bastaldy. Shara aıasynda kórermender nazaryna Irannyń segiz úzdik fılmi usynylady. Bul týraly egemen.kz tilshisi habarlady
Ashylý saltanaty keshe, 28 naýryzda rejısser Muhammed Bozorgnıanyń «Teńizdegi jibek jol» fılmimen bastaldy.
«Iran kıno aptalyǵy» aıasynda Asqar Farhadıdiń 2012 jyly «Oskar» syılyǵyn alǵan «Nader men Sımınniń ajyrasýy», Iran kınematografııasy tarıhyndaǵy úlken qarajat jumsalǵan «Súleımen paıǵambardyń álemi», Seıd Reza Karımıdiń «Bir túıir qant» sonymen qatar, «Bul jaqtaǵy mensiz kúı», «Saý salamat bolyńyz», «Qyryqtyń qyrqasynda» jáne Amır Hýshang Danaıdiń Qazaqstan men Iran arasyndaǵy alǵashqy birlesken kınotýyndy «Eshnárse eshqashan jaıdan jaı bolmaıdy» atty fılmi kórsetiledi.
Júz jyldan astam tarıhy bar Iran kınematografııasynda jyl saıyn júzden asa fılm, derekti fılm jáne baqa da týyndylar túsirilip, jáne olardyń ishinen iriktelgen fılmder halyqaralyq konkýrstar men festıvaldarǵa qatysyp, júldeli oryndar alyp jatady.
Aınash Esalı.
Derek, sýret: egemen.kz.