ASTANA. 30 naýryz. Búgin túnde Grýzııanyń astanasy – Tbılısı qalasynda fýtboldan Grýzııa jáne Qazaqstan quramalary joldastyq kezdesý ótkizip, 1:1 esebimen teń tústi. Bul týraly «R-Sport» deregine silteme jasaǵan egemen.kz tilshisi habarlady.
Osymen bas jattyqtyrýshynyń mindetin atqarýshy Talǵat Baısýfınov Qazaqstannyń bas komandasyn ekinshi márte alańǵa bastap shyqty. Ol budan buryn 26 naýryz kúni túrik jerindegi Antalıa qalasynda Ázerbaıjan quramasymen joldastyq kezdesý ótkizip, 1:0 etip jeńgen edi.
Grýzınnyń bas qalasyndaǵy kelesi kezdesý eki jaqtyń alma-kezek shabýylymen órbidi. Ras, birshama ýaqyt alań ıeleriniń azdaǵan terrıtorııalyq basymdyq ta tanytty. Degenmen, esepti birinshi bolyp qazaqstandyqtar ashty. Ol 35-mınýtta Serikjan Mujyqovtyń qaqpanyń alys buryshyna jetkizgen dobyn aıaqtyń ushymen ilip tastaı salǵan Azat Nurǵalıevtiń dáldigi arqasynda múmkin boldy. Biraq arada úsh mınýt óter-ótpeste grýzınder esepti teńestirip úlgerdi. Bul gol da aldyńǵyǵa uqsas jaǵdaıda soǵyldy. Tarazy basyn Tornıke Okrıashvılı teńgerip berdi. Budan keıin eki jaqta da esepti ózgertýge múmkindik boldy. Sondaı sátti bizdiń jerlesterimiz de jiberip aldy. Birinshi taım osy 1:1 degen eseppen aıaqtaldy.
Matchtyń ekinshi taımynda eki komandanyń jattyqtyrýshylary da alańda birshama ózgerister jasaýǵa tyrysty. Olardyń taktıkalyq sýretteri birshama almasty. Osy kezde alań ıeleriniń basymdylyqtary aıqyn bilindi. Alaıda, olar ózderi uıymdastyrǵan shabýyldardan laıyqty nátıje shyǵara almady.
Damır Qojamqul.
Derek, foto: Sport-R.
Grýzııa - Qazaqstan 1:1
29 naýryz, seısenbi. Tbılısı. «Dınamo-Arena – Borıs Paıchadze» stadıony. 5449 jankúıer.
Tóreshi: Kleıton Pızanı (Malta)
Grýzııa: Nýkrı Revıshvılı, Ýcha Lobjanıdze, Gýram Kashııa, Aleksandr Amısýlashvılı, Georgıı Navalovskıı, Djaba Kankava, Georgıı Abýrdjanııa, Valerıı Kazaıshvılı, Tornıke Okrıashvılı, Djamo Ananıdze, Georgıı Chantýrııa.
Qazaqstan: Davıd Lorııa (Vladımır Plotnıkov, 46) Abzal Beısebekov, Iýrıı Logvınenko, Sergeı Malyı, Dmıtrıı Shomko, Ǵafýrjan Súıimbaev, Azat Nurǵalıev (Baýyrjan Islamhan, 81), Islambek Qýat, Serikjan Mujyqov (Ulan Qonysaev, 66), Samat Smaqov (Maqsat Baıjanov, 78), Alekseı Shetkın (Sergeı Hıjnıchenko, 46).
Gol: Azat Nurǵalıev 35, Tornıke Okrıashvılı 38.