Elbasy Nursultan Nazarbaev Belgııa Koroldigine jumys sapary aıasynda Brıýssel qalasyna keldi, dep habarlady Prezıdenttiń baspasóz qyzmeti.
Brıýssel qalasyna kelgen Memleket basshysy «Malbek» metro stansasynda 22 naýryzda bolǵan terrorlyq akt qurbandaryn eske alyp, gúl shoqtaryn qoıý rásimine qatysty.
Qazaqstan Prezıdenti osy rásim aıasynda Brıýssel astanalyq óńiri Úkimeti basshysynyń orynbasary G.Vanhengelmen áńgimelesip, qaıǵyly oqıǵaǵa baılanysty kóńil aıtty.
– Qazaqstan terrorızmniń kez kelgen kórinisin aıyptaıdy jáne Belgııa halqynyń qaıǵysyna ortaqtasady. Zardap shekkenderdiń tezirek saýyǵyp ketýine, al qaza bolǵandardyń týǵan-týystary men jaqyndarynyń osy qasiretten tezirek eńse tikteýine tilektestigimdi bildiremin, – dedi Nursultan Nazarbaev.
Belgııaǵa sapar aıasynda, sondaı-aq, Qazaqstan Prezıdentiniń Eýropalyq keńes tóraǵasy D.Týskpen jáne Eýropalyq komıssııa tóraǵasy J.-K.Iýnkermen kezdesýi josparlanyp otyr.
Sýretti túsirgender
S.BONDARENKO, B.OTARBAEV.