ASTANA. 3 sáýir. Taılandtyń ortalyǵyndaǵy Nakhon-Pathom provınsııasynda saıahatshylar mingen avtobýs pen poıyz soqtyǵysyp qaldy. Bul týraly regnum.ru-ǵa silteme jasaǵan egemen.kz tilshisi habarlady.
Apatty jaǵdaı tas jol men temir jol qıylysynda boldy. Saldarynan 3 adam qaza taýyp, 28 adam túrli deńgeıde jaraqat aldy. Polısııa qyzmetkerleriniń aıtýynsha, júrgizýshi oqıǵa ornynda mert boldy, al eki jolaýshy aýrýhanada kóz jumdy. Qos qabatty avtobýsta barlyǵy 52 adam boldy. Olar Bangkong qalasynan Kanchanabýrı provınsııasyna baǵyt alǵan bolatyn.
Apattyń negizgi sebebi ázirge belgisiz. Jergilikti quqyq qorǵaý organynyń ókilderi tergeý amaldaryn júrgizip jatyr.
Aıan Ábdýálı.
Derek: regnum.ru.
Foto: 24.kz.