ASTANA. 3 sáýir. Pákistannyń soltústik-batysynda Haıber-Pahtýnva provınsııasynda sý tasqynynan 36 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Jergilikti bılik osyǵan deıin 24 adamnyń opat bolyp, 16 adamnyń jaraqat alǵanyn málimdegen. Sońǵy málimetterge sáıkes zardap shekkenderdiń sany 27 adamǵa jetti. Eldiń tótenshe qyzmetiniń habarlaýynsha, nóser jaýynnyń sońy sý tasqynyna ulasqan. Qazirgi kezde júzden astam úıdiń shatyry qulap, 40-qa jýyq ǵımarat qırap qaldy.
Aıta keteıik, ótken jyly Pákistanda sý tasqynynan 81 adam qaza taýyp, 300-ge jýyq turǵyn zardap shekken bolatyn.
Aıan Ábdýálı.
Derek, foto: RIA «Novostı».