aldaǵy ýaqyttary joıylýy múmkin
Elimizdegi joǵary oqý oryndarynda stýdentterge tegin bilim alý úshin beriletin granttar joıylyp, olardyń ornyn vaýcherler basýy ábden múmkin. Munyń jaıyn ótken aptada jıyn ótkizgen Bilim jáne ǵylym mınıstri Erlan Saǵadıev baıandap berdi.
Jıynǵa Qazaqstandaǵy kóptegen bilim mekemeleriniń – ulttyq, memlekettik jáne jekemenshik joǵary oqý oryndarynyń rektorlary qatysty. Pikir almasý barysynda olar granttardyń biryńǵaı bolýy kerektigine kelisim bildirdi. Olar, sondaı-aq, bul bastamanyń 2017 jyldan bastap engizilgenin qalaıtyndaryn da atap ótti.
Mınıstr mundaı tájirıbeniń Grýzııada biraz jyldardan beri qoldanylyp júrgenin aıtty. Onyń oıynsha, rektorlardyń kópshiligi granttardy satyly damytý jolynda grýzınderdiń tájirıbesine súıengendi durys sanaıdy. Bul elde granttardyń ornyna vaýcherler engizilgen. Ol memlekettiń stýdentke vaýcher berý jolymen júrgiziledi. О́z kezeginde stýdent sol arqyly kez kelgen joǵary oqý ornyna túse alady. Eger oqý aqysy vaýcherden qymbat bolsa, stýdent jetpegen qarjyny óz qaltasynan tóleıdi.
– Eger stýdentke joǵary oqý ornynyń ózi múddeli bolsa nemese talapker olımpıada jeńimpazy, óte daryndy álde áleýmettik az qamtylǵan otbasynan shyqsa, memleket kómektesýi múmkin. Álde álemdik tájirıbede qalyptasqan jaǵdaıǵa saı joǵary oqý ornynyń ózi grant bólý arqyly stýdentti qabyldaıdy, – dep túsindirip ótti mınıstr.
Sóz sońynda Erlan Saǵadıev bul oqytý júıesi tolyq daıyn bolǵanda talqylaýǵa usynylatynyn jetkizdi.
Ernar MUHAMBET.