Esirtki kontrabandasy úshin Qytaıda túrli jaza merzimderine sottalǵan bizdiń eldiń eki azamatshasy Syrtqy ister mınıstrliginiń jáne Qazaqstannyń QHR-daǵy Elshiliginiń qoldaýymen Beıjiń qalasynan Qazaqstanǵa jetkizildi.
Qytaı tarapynyń quzyrly organdary sottalǵandardy Qazaqstanǵa berý týraly bul sheshimdi 2011 jyldyń 22 aqpanyndaǵy Qazaqstan Respýblıkasy men Qytaı Halyq Respýblıkasy arasyndaǵy shartty iske asyrý maqsatynda jáne sottalǵandardyń ótinishteri negizinde qabyldady. Osyǵan oraı Qytaı sotynyń úkimin taný jáne oryndaý týraly kepil negizinde QHR quzyrly organdaryna Qazaqstan sotynyń tıisti qaýlylary joldandy.
Al jetkizilgen sottalǵandar jazalarynyń qalǵan merzimderin Qazaqstan Respýblıkasynyń ulttyq zańnamasyna sáıkes Qazaqstannyń túzeý mekemelerinde óteıtin bolady, dep habarlady Bas prokýratýranyń baspasóz qyzmeti.