ASTANA. 6 sáýir. Qazaqstan Prezıdenti Nursultan Nazarbaev Reseı Federasııasynyń Prezıdenti Vladımır Pýtınmen telefon arqyly sóılesti. Bul týraly akorda.kz-ke silteme jasaǵan egemen.kz tilshisi habarlady.
Nursultan Nazarbaev pen Vladımır Pýtın ekijaqty yntymaqtastyqtyń perspektıvalaryn talqylap, óńirlik jáne halyqaralyq kún tártibindegi ózekti máseleler jóninde pikir almasty.
Taýly Qarabaqtaǵy qazirgi ahýalǵa aıryqsha nazar aýdaryldy. Memleketter basshylary qaqtyǵysýshy taraptardy oq atýdy doǵarý rejimin qamtamasyz etýge jáne beıbit kelissózdi qaıta qalpyna keltirýge shaqyrdy.
Qazaqstan Prezıdentiniń Brıýsselde jáne Vashıngtonda ótken kelissózderine oraı Ýkraınadaǵy ahýaldy retteýge baılanysty pikir almasyldy.
Sondaı-aq, eýrazııalyq ıntegrasııa, atap aıtqanda, aldaǵy ýaqytta Astanada ótkizý josparlanyp otyrǵan Joǵary Eýrazııalyq ekonomıkalyq keńes otyrysy máseleleri talqylandy.
Telefon arqyly áńgimelesýge Reseı jaǵy bastamashy boldy.
Talǵat Raıymbek.
Derek, foto: akorda.kz.