Oqıǵa bylaı bolypty. Ońtústik Qazaqstan oblysy Qazyǵurt aýdanynyń Qosaǵash aýylynyń janynan aǵyp jatqan Qarjan ózeniniń shalt minez tanytýyna aldyndaǵy kúnderi qatty jaýǵan jańbyr sebep bolǵan. Seldete tókken jańbyrdan soń laı sýy aralas aǵyp, tasyrlap jatqan ózen jaǵasynda kishkentaı balalar oınap júredi. О́zenniń dál jıeginde turǵan 3 jasar Aqerkeniń aıaǵynyń astyndaǵy topyraq omyrylyp túskende, búldirshin sýǵa aǵyp kete barady.
О́zen jaǵalap oınap júrgen balalar shý ete qalǵanda sıyr baǵyp júrgen Muhamedáli Smanov sýda aǵyp bara jatqan qyzyl kóılekti qyzdy kórip, tura júgiredi. Jaǵaǵa kelip ústindegi kıimderin sheship, sýǵa qoıyp ketken ol: «О́zimniń júze alatynyma sendim, biraq ózenge túskende qap-qara laı sýdy kórip, shoshyp kettim. Degenmen, sýdaǵy qyzdy qalaıda alyp shyǵý kerektigin oıladym. Aǵyp kele jatqan qyzdyń aldynan shyǵyp, ustap aldym da, jaǵaǵa alyp shyqtym. Sol kezde qyz qımylsyz qaldy. Jerge jatqyzyp, «ómir qaýipsizdigi» sabaǵynda kórgendeı, kókireginen basyp-basyp jiberdim. Sol kezde qyzdyń aýzynan shóp-shalam aralas sý atqylap shyqty. Sálden soń ol tynys ala bastady. Qyzdy sol jerde qaldyrdym da, áride mal baǵyp júrgen qyzdyń ákesine qaraı júgirdim. Ákesi kelip qyzyn aýrýhanaǵa alyp ketti», – deıdi Muhamedáli Smanov.
Keıde bala túgil úlken adam aqyl tappaı qalatyn qysyl-taıań shaqta ishine sý tolyp, tynysy úzilip, essiz jatqan qyzdy jalma-jan tiriltken qarshadaı balanyń arqasynda kórer jaryǵy taýsylmaǵan búldirshin aman qalady.
Oqıǵany facebook áleýmettik jelisinde jarııalap, jurtshylyqtyń erlikten habardar bolýyna muryndyq bolǵan Altyntóbe aýylynyń turǵyny Seıdaly Dúısebaıulynyń silteýimen kishkentaı batyrdyń kórshisi, bir jaǵynan týys ápkesi, ári sol mekteptiń muǵalimi Janar Seıdrahymmen habarlasqanymyzda, ol jańa ǵana mektep dırektory Qasymseıit Dýanqulovtyń Muhamedáli Smanovty dúıim jurttyń aldyna shyǵaryp alǵys aıtyp, marapattaǵanyn aıtqan. Artynsha telefon arqyly tildesken synyp jetekshisi Álıma Ámirseıitqyzy shákirtiniń ákesi Ahmen Quraquly Smanovtyń aýylda turaqty jumysy joqtyǵyn, al anasy Raýshan Smanovanyń úı sharýasyndaǵy 5 balanyń anasy ekenin, Muhamedáliniń otbasynda tórtinshi bala ekenin, anasynyń jaqynda taǵy da bópeli bolǵanyn aıtty.
Anar TО́LEÝHANQYZY,
«Egemen Qazaqstan».