Kandıdattar qataryna H.Klark te qosyldy

BUU Damý baǵdarlamasynyń basshysy Helen Klark osy uıymnyń Bas hatshysy qyzmetine kandıdattardyń qataryna qosyldy. Bul jóninde «VVS» aqparat agenttigi habarlady. Helen Klark – BUU qyzmetkerleri arasynda laýazymy jaǵynan eń joǵary turǵan áıel bolyp sanalady. Eger ol saılaýda jeńiske jetip, Bas hatshylyqqa saılanǵan jaǵdaıda, ol BUU tarıhynda Bas hatshy laýazymyndaǵy tuńǵysh áıel atanady. H.Klark «Assoshıeıted press» aqparat agenttigine bergen suhbatynda: «Uıym basshylyǵyna óz kandıdatýramdy usynyp otyrmyn. BUU-da jáne óz elimdegi basshylyq qyzmetimde 30 jyldan astam tájirıbem bar», – dedi ol óziniń qabyldaǵan sheshimine baılanysty. BUU-ǵa qyzmetke kelgenge deıin ol Jańa Zelandııada 9 jyl premer-mınıstr boldy. BUU Bas hatshysy Pan Gı Mýnnyń qyzmettik merzimi 2016 jyldyń 31 jeltoqsanynda aıaqtalady. Bas hatshylyqqa kandıdattardyń sany qazirge segiz adamǵa jetti. Taǵy bir qytaılyq sheneýnik aıyptaldy QHR ortalyq áskerı keńesi tóraǵasynyń burynǵy orynbasary Go Bosıýn 80 mıllıon ıýan (12,3 mıllıon dollar) kóleminde para aldy dep aıyptaldy. Bul aqparatty jergilikti BAQ Qytaı halyq-azattyq armııasynan alynǵan derekkózge silteme jasaý arqyly taratty. Basylymdaǵy aqparatqa qaraǵanda, bul Bosıýnniń áskerı qyzmet jolynda alǵan parasynyń bir bóligi ǵana bolsa kerek. О́ıtkeni, ol ózine baǵynyshty áskerı qyzmetshilerdiń qyzmetin ósirý úshin olardan para alýdy ádetke aınaldyrǵan. Jemqorlyqqa salynǵany úshin aıyptalyp otyrǵan Go Bosıýn QHR qurylǵan 1949 jyldan bergi aralyqta eldiń áskerı kúshterinde eń joǵary laýazymdaǵy jetekshilerdiń biri bolyp keldi. Keıbir derekter boıynsha, oǵan qatysty áskerı sot isi jabyq rejimde ótýi múmkin. Oǵan qatysty tergeý-tekserý amaldary ótken jyldyń sáýirinde bastalypty. Sondaı-aq, ol shilde aıynda Qytaı Kommýnıstik partııasy qatarynan shyǵarylǵan. Qysqa qaıyryp aıtqanda: * «Amnesty international» quqyq qorǵaý uıymy álemde ólim jaza­synyń sany kúrt ósip, 1989 jyldan bergi kezeńde eń joǵary kórsetkishke jetkenin habarlady. Mysaly, ótken jyly álem boıynsha 1634 adam ólim jazasyna kesilgen. Bul 2014 jylǵydan 50 paıyz kóp. * OAR prezıdenti Djeıkob Zýma óz úıin jóndeýge jumsaǵan 20 mıllıon dollardan astam aqshany qaıtaratyn boldy. Sot oǵan osynshama qarjyny qaıtarýdy mindettegen edi. «Men sot sheshimin qurmetteımin jáne ony oryndaımyn», – dedi ol jasaǵan málimdemesinde. * Jańa Orlean (AQSh) soty qorshaǵan ortanyń lastanýyna soqtyrǵan iri apat úshin VR kompanııasyn 20,8 mıllıard dollar tóleýge mindettedi. Bul tarıhtaǵy eń úlken aıyppul bolyp sanalady. Ony tóleý 18 jylǵa bólingen. * Ázerbaıjannyń qorǵanys mınıstrligi Armenııa tarapynyń Taýly Qarabaqta bitim jarııalanǵannan beri kelisimdi 115 ret buz­ǵanyn málimdedi. Taraptar, sondaı-aq, qaqtyǵystan kelgen shyǵyn­da­ryn jarııa etti. О́zin ózi jarııalaǵan Taýly Qarabaq bıligi 29 adam­nyń qaza tapqanyn, al Ázerbaıjan 31 áskerdiń oqqa ushqanyn habarlady. Bir táýlikke jumysyn toqtatady Grekııa azamattyq avıasııa qyzmetkerleriniń 24 saǵattyq narazylyq aksııasyna shyǵýyna baılanysty búgin, ıaǵnı 7 sáýirde eldiń áýejaılary jumys istemeıdi. «Novostı» aqparat agenttiginiń habarlaýynsha, bul kúni áýejaılardan ushaqtar áýe keńistigine kóterilmeıdi. Sebebi, azamattyq avıasııa qyzmetkerleriniń federasııasy memlekettik sektordaǵy ADEDY kásibı odaqtarynyń áleýmettik qamtý júıesin joıýǵa qatysty narazylyǵyna qosylǵan. Sonymen qatar, azamattyq avıasııa qyzmetkerleri taǵy bir talap qoıyp otyr. Ol – eldegi memlekettik áýejaılardy satýǵa jol bermeý. Búginde Grekııa bıligi 14 áýejaıdy satýǵa shyǵarǵan. Negizinde olardy Germanııanyń kompanııalary satyp alýǵa nıet bildirgen. Otstavkaǵa ketýge ótinish bildirdi Islandııa úkimetiniń basshysy Zıgmand Devıd Gýnnlaýgsson «Panama qujattarynda» jemqorlyqqa qatysy bary týraly málimetter jarııa etilgen soń, otstavkaǵa ketýge ótinish bildirdi. Qazirgi kezde álemdik deńgeıde daý týdyrǵan «Panama qujattary» atalǵan esepte Islandııa premer-mınıstriniń zaıybynyń eldegi bankterde úlken úlesi bar offshorlyq kompanııaǵa ıelik etetini keltirilgen. Islandııanyń balyq jáne aýyl sharýashylyǵy mınıstri qyzmetin atqaratyn Zıgýrdýr Ingı Iohansson óziniń kandıdatýrasyn premerlikke usynatynyn málimdedi. Al premer-mınıstr Z.Gýnnlaýgsson Islandııa prezıdentinen «Panama qujattaryna» baılanysty týyndaǵan narazylyq aksııalary men ózine senimsizdik votýmyn bildirý qaýpi bolýy yqtımaldyǵyna qatysty parlamentti taratýdy suraǵan. Kúdikti retinde alty ımam ustaldy Tájikstandyq buqaralyq aqparat quraldarynyń habarlaýynsha, elde ekstremıstik toptarǵa qatysy bar degen kúdik boıynsha alty ımam ustalǵan. Prokýratýra kúdiktilerdiń qandaı ekstremıstik toptarǵa múshe bolǵanyn atamady. Eger ustalǵan ımamdardyń kináli ekeni dáleldenetin bolsa, olar alty jylǵa deıingi merzimge bas bostandyǵynan aıyrylýy jáne olarǵa úlken kólemde aıyppul salynýy múmkin. О́tken jyly osy elde onnan astam adam «Djamaat Ansarýlla» ıslamshyl uıymyna kirdi degen aıyppen sottalǵan edi. Tájikstan bıligi osy uıymdy el aýmaǵynda tyıym salynǵan «О́zbekstan ıslam qozǵalysy» uıymymen baılanysy bar dep ataıdy. Al «О́zbekstan ıslam qozǵalysynyń» Aýǵanstan men Pákistandaǵy «Ál-Kaıda» jáne «Talıban» ekstremıstik uıymdarymen baılanysta ekendigi dáleldengen. Tájikstan quqyq qorǵaý organdarynyń málimetine qaraǵanda, búginde osy eldiń bir myńǵa jýyq azamaty Sırııa men Iraktaǵy «Islam memleketiniń» quramynda júr. Eldiń qaýipsizdigine zalal keltirýi múmkin «Bı-bı-sı» agenttiginiń taratqan aqparattaryna qaraǵanda, hakerler toby jelige Túrkııanyń 50 mıllıon azamatynyń jeke málimeti bar degen derekter qoryn ornalastyrǵan. Onyń ishinde el prezıdenti men úkimet basshysynyń da jeke málimetteri bar kórinedi. Sarapshylardyń aıtýynsha, hakerlerdiń osy málimdemesi rastalatyn bolsa, bul álemde eń aýqymdy jeke málimetterdiń jarııa etilýi bolady eken. Sarapshylar jeke málimetterdiń jarııalanýy Túrkııa halqynyń qaýipsizdigine zalal keltiredi dep esepteıdi. Qupııa aqparattardyń hakerlerdiń qolyna qalaı túskeni qazirge belgisiz. Boljam boıynsha, mundaǵy basty maqsat – Túrkııa prezıdenti Rejep Taıyp Erdoǵan men osy eldiń elıtasyna qarsy baǵyttalǵan «saıası oıyn» bolýy múmkin. «Assoshıeıted press» agenttigi túrkııalyq 10 azamattyń sáıkestendirý nómirlerin teksergende, onyń 8-i durys málimet bolǵandyǵyn habarlady. Internet materıaldary negizinde ázirlendi.