ASTANA. 13 sáýir. Oblys ákimi Bolat Baqaýovtyń ókimimen jáne máslıhat depýtattarynyń kelisimimen Nurjan Áshimbetov Pavlodar qalasynyń ákimi bolyp taǵaıyndaldy. Bul týraly NewTimes.kz-ke silteme jasaǵan egemen.kz tilshisi habarlady.
Nurjan Áshimbetov buǵan deıin oblys ákiminiń aýyl sharýashylyǵy máseleleri jónindegi orynbasary qyzmetin atqarǵan.
Ol 1969 jyly Pavlodar oblysy Lebıaji aýdany Chernoe aýylynda týǵan. Zooınjener mamandyǵy boıynsha Almaty zooveterınarlyq ınstıtýtyn jáne býhgalter-ekonomıst mamandyǵy boıynsha Almaty ekonomıka jáne statıstıka ınstıtýtyn bitirgen.
Eńbek jolyn Memlekettik múlik jónindegi Pavlodar aýmaqtyq komıtetiniń mamany bolyp bastap, keıin halyqaralyq damý jónindegi amerıkalyq agenttikke qarasty «Karana» korporasııasynyń keńesshisi qyzmetin atqarady. 1997-1999 jyldar aralyǵynda – Lebıaji aýdanyndaǵy óndiristik kooperatıv tóraǵasy, agrofırma dırektory bolǵan.
1999-2008 jyldar aralyǵynda – Aqtoǵaı aýdany ákiminiń orynbasary, Lebıaji aýdanynyń ákimi, Pavlodar oblysy aýyl sharýashylyq basqarmasynyń bastyǵy.
2008-2009 jyldary – Prezıdent Ákimshiliginiń memlekettik ınspektory, 2009-2012 jyldary Petropavl qalasynyń ákimi qyzmetin atqarǵan.
2012 jylǵy 1 aqpanda Pavlodar oblys ákiminiń aýyl sharýashylyǵy jónindegi orynbasary bolyp taǵaıyndalǵan.
Talǵat Raıymbek.
Derek, foto: NewTimes.kz.