PETROPAVL. 14 sáýir. «Qoǵamdyq kelisim» kommýnaldyq memlekettik mekemes men oblystyq Qazaqstan halqy Assambleıasy janynan «Meıirimdi ister» atty top qurylyp, kómekke muqtaj jandarǵa járdemdesýdi basty maqsat etip otyr. Bul týraly egemen.kz tilshisi habarlady.
Oblys ortalyǵynda «Qoǵamdyq bastamalar» jobasy kóp jyldan beri belsendi júzege asyrylyp keledi. Onyń quramyndaǵy eriktilerdiń bastamashyldyǵymen jýyrda «Meıirimdi ister» atty top uıymdastyrylyp, alǵashqy qaıyrymdylyq sharasy múmkindigi shekteýli balalardyń jaǵdaıymen, turmysymen jaqynyraq tanysýǵa arnaldy. № 1 arnaıy túzetý mekemesinde búldirshinderge aq qaǵazdar men sharlar berilip, tilekter jazyldy. Mundaı art-terapııalyq ádis arqyly balanyń ushqyr qııalyn damytyp, jalpy jaǵdaıyna oń áser tıgizýge bolatynyn psıhologtar dáleldegen.
Atalmysh topqa eriktilermen qatar «Nam slovo» shyǵarmashylyq birlestiginiń ókilderi de tartylyp, shaǵyn konsert qoıdy. Al Manash Qozybaev atyndaǵy SQMÝ-niń stýdentteri psıhologııalyq trenıngter ótkizdi.
Uıymdastyrýshylar bir rettik sharamen shektelmeı, aldaǵy ýaqytta keń aýqymda ótkizýdi josparlap otyr.
О́mir Esqalı.
Derek: egemen.kz.
Foto: voxpopuli.kz.