ASTANA. 14 sáýir. Kolýmbııa men Ekvador elderiniń shekarasynan zańsyz jolmen 6 tonna kokaın tasymaldamaq bolǵandar qolǵa tústi. Bul týraly RIA «Novostı» aqparat agenttigine silteme jasaǵan egemen.kz tilshisi habrlady.
Kolýmbııa men AQSh-tyń kúshtik qurylym ókilderi birigip arnaıy operasııa júrgizgen. Is barysynda atalǵan shekaradan 250 mıl qashyqtyqta súńgýir qaıyqqa esirtki tıep jatqan 3 adam ustaldy.
«Sý kóliginde 3 ekıpaj múshesi boldy. Eki adam Kolýmbııa azamaty bolsa, bireýi meksıkalyq. Tártip saqshylary kelip jetkende qashyp ketpek bolyp árekettengen. Alaıda, bul oılary júzege aspady», – dep habarlady Notimex agenttigi.
Aıta keteıik, Kolýmbııa memleketi Perý jáne Bolıvııamen birge zańsyz esirtki tasymaldaý qylmysy boıynsha, aldyńǵy qatardaǵy elderdiń biri. Osy jyldyń basynan beri polısııa qyzmetkerleri arnaıy operasııa kezinde 34 tonna esirtki tárkiledi.
Aıan Ábdýálı.
Derek: RIA «Novostı».
Foto: vesti.az.