QARAǴANDY. 14 sáýir. Qaraǵandy oblysyndaǵy Abaı aýdanynda 7-synypta oqıtyn qyz balaǵa jynystyq sıpattaǵy zorlyq-zombylyq kórsetken kúdikti ustaldy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Jantúrshigerlik qylmys týraly polısııaǵa japa shekken oqýshy qyzdyń anasy habarlaǵan. Tártip saqshylary bir kúnniń ishinde osy iske qatysy bar 38 jastaǵy kúdiktini anyqtap, qolǵa túsirdi.
Qazirgi ýaqytta ol ýaqytsha ustaý oqshaýlaǵyshynda qamaýda otyr. Sotqa deıingi tergeý amaldary júrgizilýde.
Aıta keteıik, Qazaqstanda pedofılderdi hımııalyq jolmen kastrasııalaý zańmen bekitilgen.
Qaırat Áildınov.
Derek: Qaraǵandy oblysy ishki ister departamentiniń baspasóz qyzmeti.
Foto: egemen.kz.