ASTANA. 14 sáýir. Japonııanyń ońtústiginde magnıtýdasy 6,4 balldyq jer silkinisi boldy. Bul týraly 24.kz-ke silteme jasaǵan egemen.kz tilshisi habarlady.
Kıýsıý aralyndaǵy Kýmamoto prefektýrasynda zilzalanyń kúshi 7 ballǵa deıin jetken. Aımaqtaǵy meteorologııalyq agenttiktiń qyzmetkerleri sýnamı qaýpiniń joq ekenin málimdedi. Alaıda, jer silkinisiniń saldarynan 1 adam qaza taýyp, 50-ge jýyq turǵyn túrli deńgeıde jaraqat aldy. Birneshe ǵımarat zaqymdanyp, tas joldarda jaryq paıda boldy.
Japonııada jer silkinisiniń alǵashqy tolqyny jergilikti ýaqyt boıynsha, saǵat 09:30 kezinde tirkelgen. Osydan soń 5 mınýttan keıin qatarynan birneshe dúmpý bolǵan. Resmı málimetterge sáıkes, barlyǵy 17 ret silkingen.
Aıta keteıik, 2011 jyly 11 naýryzda Kúnshyǵys eliniń soltústik-shyǵys aýdandarynda, ásirese Fýkýsıma prefektýrasynda joıqyn zilzala men sýnamıdiń saldarynan 18 myńnan astam adam qaza tapqan. Tabıǵat apatynan myńdaǵan úı, joldar qırap, baılanys jelileri isten shyqty.
Aıan Ábdýálı.
Derek, foto: 24.kz.