qazaqstandyq 8 jasar oqýshy qyzǵa buıyrdy
Ata-anasy Abý-Dabıde jumys jasaıtyn qazaqstandyq Saıora Shotpaqova esimdi 8 jasar oqýshy qyz mektepte bir jyl tegin bilim beretin granttyń ıegeri atandy. Oǵan bul joldamany Birikken Arab Ámirlikteri mádenıet, jastar jáne qoǵamdyq damý mınıstri sheıh Nahaııan ıbn Múbárak Ál Nahaııan tabys etti.
Oqýshy qyzdyń jeńisi jóninde jetkizgen ákesi Aslan Shotpaqov grantty 37 mektepti qamtıtyn GEMS Education qorynyń bergenin aıtady. Mekeme BAÁ birinshi prezıdentiniń áıelder quqyǵy úshin kúresken zaıyby Fatıma bın Múbáraktiń qurmetindegi koroldik grant ıegerlerin anyqtaıdy. Ol ár mektepten bir ǵana oqýshy qyzǵa tapsyrylady. Soǵan deıin 30 synyptyń úmitkerleri mektep komıssııasynyń synaǵynan ótýi tıis.
– Grant sheńberinde akademııalyq tabys, tabıǵatqa jáne qoǵamǵa qosqan úlester, laıyqty azamat bola bilý sekildi tórt túrli ólshemi qarastyrylady. Tarıhı grant negizinen joǵary synyp oqýshylaryna tabys etiledi. Biraq bıylǵy jyly, soǵan qaramastan, grantty Saıoraǵa berý jóninde sheshim qabyldandy. Menińshe, ol osy grant tarıhyndaǵy onyń eń jas ıegeri bolýy kerek, – dedi Aslan Shotpaqov.
Ol qyzynyń qazir úshinshi synypta oqyp júrgenin, al grantty ótken jyly jeńip alǵanyn, biraq ony tapsyrýdyń merzimi endi ǵana jetkenin aıtty.
Murat AITQOJA