Bas Prokýror Ashat Daýylbaevtyń tóraǵalyǵymen Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysy ótti.
Onda jalǵan kásipkerlikke qarsy is-qımyl zańdylyǵynyń jaı-kúıi, ýákiletti memlekettik organdardyń qabyldap otyrǵan sharalary jáne olardyń ózara is-qımyl jasasý tıimdiligi máseleleri talqylandy. Jıynǵa Úılestirý keńesiniń músheleri, Prezıdent Ákimshiliginiń, Premer-Mınıstr keńsesiniń jaýapty qyzmetkerleri, Joǵarǵy Sot ókilderi, quqyq qorǵaý, arnaıy jáne ózge de ortalyq atqarýshy organdardyń jaýapty laýazymdy tulǵalary qatysty.
Otyrys barysynda Bas Prokýror kún tártibiniń erekshe ózektiligin atap ótti. Bıýdjettik qarajatty urlaý men salyq tóleminen jaltarý memlekettiń ekonomıkalyq negizin edáýir buza otyryp, ulttyq qaýipsizdikke nuqsan keltirýde. О́ıtkeni, keıingi bes jylda jalǵan kásipkerlik faktilerin anyqtaýdyń turaqty ósý serpini baıqalýda. Atap aıtqanda, 2011 jyly 438 qylmys, al ótken jyly 2626 qylmys tirkelgen. Aǵymdaǵy jyldyń eki aıy ishinde jalǵan kásipkerlik týraly 628 qylmystyq is tirkeldi, al ótken jyldyń osyndaı kezeńinde 261 qylmystyq is bolǵan edi.
Degenmen, A.Daýylbaev atap ótkendeı, júrgizilip otyrǵan jumystardyń tıimdiligine Memlekettik kiris komıtetiniń ókiletti qyzmetteriniń jetkiliksiz úılestirilýi men kelisimsiz áreketi jáne bank mekemeleri tarapynan qarjy operasııalaryna qatysty tıisti baqylaýdyń bolmaýy kedergi jasap otyr. Qylmysty aldyn ala eskertýdiń tetikteri nashar qoldanylady, sonyń saldarynan zańsyz tabysty jylystatýdyń qylmystyq joldary oryn alǵan soń ǵana anyqtalady. Sońǵy bes jylda aıaqtalǵan ister boıynsha anyqtalǵan zalaldyń somasy 242 mlrd.-tan astam teńgeni qurady. Zalaldy óteý bolsa ortasha eseppen 7 paıyzdan aspaıdy, al 2015 jyly nebári 1,2 paıyzdy qurady.
Talqylaý qorytyndysy boıynsha Úılestirý keńesi Memlekettik kiris komıtetine jalǵan kásipkerlik faktileri boıynsha tıisti tergeý jumystaryn qamtamasyz etýge, qarjyny zańsyz qolma-qol aqshaǵa aýdarý maqsaty bar kelisimderdi anyqtaý týraly mekemearalyq aqparat almasýdy júrgizý baǵytynda sharalar uıymdastyrýǵa keńes berdi. Sonymen qatar, aktıvterdi shyǵarý men salyqty tóleýden jaltarý joldaryn paıdalaný kezinde kózge ilikken senimsiz uıymdar men jeke tulǵalardyń «qara tizimin» qalyptastyrý jáne aktıvterine shekteý qoıa otyryp olarmen qaısybir qarjy operasııalaryn júrgizýge tyıym salý quqyǵyn berýdiń eýropalyq tájirıbesin zerdeleý usynyldy. Bas Prokýror barlyq ýákiletti organdardan alǵa qoıylǵan mindetterdiń tıimdi júzege asyrylýyn qamtamasyz etýdi, zańsyz tabystardy jylystatý tásilderin anyqtaý jáne jolyn kesý boıynsha profılaktıkalyq jáne jedel is-sharalardyń nátıjeliligin arttyrýdy talap etti, dep habarlady Bas prokýratýranyń baspasóz qyzmeti.