Qarqaraly aýdanynyń ákimdiginde jergilikti aýylsharýashylyq kolledjiniń stýdentterine Myńjasar Ádekenov atyndaǵy stıpendııa jáne sertıfıkattardy tapsyrý rásimi ótti.
Sharaǵa Qarqaraly aýdanynyń ákimi H. Maqsutov, Qaraǵandy oblystyq bilim basqarmasynyń basshysy A. Aımaǵambetov, «Fıtohımııa» halyqaralyq ǵylymı-óndiristik holdınginiń basqarma tóraǵasy, Qazaqstannyń eńbek sińirgen qaıratkeri S.Ádekenov jáne Myńjasar Ádekenov atyndaǵy aýylsharýashylyq kolledjiniń oqytýshylary men stýdentteri qatysty.
2015 jyldyń jeltoqsanynda daryndy stýdentterdi qoldaý maqsatynda oblystyń bilim basqarmasy «Myńjasar Ádekenov atyndaǵy stıpendııa» taǵaıyndap, óńirdegi aýylsharýashylyq jáne agrotehnıkalyq kolledjder arasynda konkýrs jarııalanǵan bolatyn.
Baıqaý qorytyndysynda M.Ádekenov atyndaǵy Qarqaraly aýylsharýashylyq kolledjiniń eki stýdenti Damıra Rysbaı men Raýan Qordabaı ıe boldy. Jıyrma myń teńge kólemindegi aı saıyn beriletin stıpendııalyq grantty oqý jyly ishinde «M. Ádekenov atyndaǵy korporatıvtik qor» tólep otyrady.
Qarqaraly aýylsharýashylyq kolledji 80 jyldan astam tarıhynda aýyl sharýashylyǵynyń 15 myńnan astam bilikti mamanyn daıarlap shyǵarǵan qabyrǵaly bilim uıasy.
Qaırat ÁBILDINOV,
«Egemen Qazaqstan»
Qaraǵandy oblysy,
Qarqaraly aýdany