Qalamgerdiń shyǵarmashylyǵymen tanysý, onyń bala kezdegi qyzyqtaryn bilý, ómir jolyndaǵy, óner jolyndaǵy baspaldaqtaryna tereń úńilý – ádebıetke qumartqan ár adam úshin mańyzdy. Oqyrman qaýymdy osy jaǵynan súbeli suhbattarmen sýsyndatyp kele jatqan Ulttyq kitaphanadaǵy «Ádebı meımanjaı» dep atalatyn kezdesý alańynyń alar orny aıryqsha. Osyndaı syrǵa toly, jyrǵa toly keremet kezdesýdiń biri keshe Memlekettik syılyqtyń laýreaty, aqyn Nesipbek Aıtulymen boldy.
«О́leń ónerimen áýestenýshi jastarymyz barshylyq. Alaıda, shynaıy, shyn poezııany jaı ǵana elikteýshilikten aıyra bilý qajet-aq. Ártúrli, ár úndes aqyndardyń dúnıege kelýi qýanyshty. Men Nesipbek óleńderine osy turǵydan qaraımyn. О́z jastyǵy men jas tvorchestvosyna laıyq ún ańǵardym. Tili jatyq, oıy anyq. Aǵynan jarylyp, taýsyla talaptaný, izdenis bar. Qaısybir jastarda ushyrasa bermeıtin múlde bir bólek saryn esedi. Jasqanba, jas adam, jaqsy-jaqsy jyrlar jaz!» dep kezinde aqıyq aqyn Muqaǵalı Maqataev batasyn bergen Nesipbek Aıtulymen bolǵan kezdesýdiń áseri áste bólek boldy dep oılaımyn. Kezdesý bastalǵan sátten-aq aqyn tolǵana sóılep, tógile syr aqtardy. О́ziniń ótken izine bir buryla qarap, búgingi bolashaq urpaqtyń jaı-kúıin tereń tebirenispen saralady.
«Sender azattyqtyń aq kógershinderisińder, táýelsiz eldiń tý ustar ulandarysyńdar. Sondyqtan, kitaptan qol úzbeńder, kitap oqyńdar, qazaqtyń baı tilimen ózderińdi baıyta túsińder. Eldiń bolashaq murat-maqsaty senderdiń qoldaryńda. Rýhanı baılyqqa umtylý kerek. Izdený kerek. Eldiń taǵdyryna kóz júgirtip, «Men memleketime ne berdim», degen suraqqa jaýap bere alatyndaı bolý kerek. Ol úshin tek qana oqý kerek», – dep aqyn kelgen jastarǵa aǵalyq aqyly men júrekjardy janashyrlyǵyn jetkizdi.
Zııaly qaýym ókilderi, mektep oqýshylary, kolledj stýdentteri qatysqan kezdesý «Bul – kitap álemi» aılyǵynyń aıasynda ótkenin aıta ketsek deımiz.
Raýan QAIDAR,
«Egemen Qazaqstan»