«Qazaqstan temir joly» UK» AQ-tyń 30-dan astam kásiporny salalyq jarystardyń 2015 jylǵy jeńimpazdary atandy.
Eńbek básekesiniń kóshbasshylyǵyna salanyń 12 temirjol kásiporny shyqty. Atap aıtqanda, joǵary kásibı sheberlikterin Nura, Qandyaǵash, Úshtóbe stansalarynyń ujymdary, sondaı-aq, Atyraý jol dıstansııasy, Arys eksplýatasııalyq vagon deposy, Pavlodar elektrmen qamtamasyz etý stansasy, Qyrqynshy mashınalandyrylǵan jol dıstansııasy, Shý belgi berý jáne baılanys dıstansııasy, Lýgovoı rels dánekerleý kásiporny kórsetti.
Ekinshi jáne úshinshi oryndardy 22 temirjol kásiporny jeńip aldy.
QTJ-nyń úzdik ujymdaryna «Salalyq jarystyń jeńimpazy» ataqtary berilip, arnaıy dıplomdar tabys etildi.
Salalyq jarystarǵa ádette temirjol kásiporyndarynyń jumysshylary da qatysady.
Kásibı jetistikteri úshin «Úzdik basshy» ataǵyna 12 basshy, «Úzdik maman» ataǵyna 14 maman, «Kásibi boıynsha úzdik» ataǵyna salanyń 22 úzdik jumysshysy laıyq dep tabyldy.
Jyl saıynǵy salalyq jarystar eńbek ónimdiligin arttyryp, temirjolshylardy ózderiniń kúndelikti jumystarynda sapaly nátıjelerge qol jetkizýge yntalandyratyn tıimdi quraldardyń biri bolyp tabylady.
«Egemen-aqparat»