Ońtústik Qazaqstan oblysynan azyq-túlik ónimderin jáne ónerkásip taýarlaryn artqan kerýen Aqtóbege atbasyn tiredi. «Qonys» sport saraıynda uıymdastyrylǵan eki oblystyń ónerkásip ónimderin jáne aýylsharýashylyq taýar óndirýshileriniń kórme-jármeńkesine qalalyqtar mol jınaldy. Kórme-jármeńkeniń saltanatty ashylýynda sóz alǵan Aqtóbe oblysy ákiminiń orynbasary Ǵalı Esqalıev Elbasy N.Nazarbaevtyń óńiraralyq kooperasııany damytý, aımaqaralyq baılanysty nyǵaıtýǵa baılanysty bergen tapsyrmasyn oryndaý maqsatynda osyndaı ıgi bastama qolǵa alynǵanyn jetkizdi.
Ońtústik Qazaqstan oblysy ákiminiń orynbasary Erbol Sadyr sport saraıynyń ishinde uıymdastyrylǵan kórmege ózderiniń 36 kásiporny óz ónimderin qoıǵanyn, olardyń ónimderine aqtóbelik kásipkerler tarapynan qyzyǵýshylyq bolyp, kelisimsharttar jasasýǵa úmitti ekendigin atap ótti. Ol sondaı-aq, jármeńkede oblystyń barlyq aýdandarynan 170 tonna azyq-túlik ónimderi basqa saýda oryndaryna qaraǵanda baǵasy 15- 20 paıyz arzanǵa satylyp jatqanyn jetkizdi. Jalpy somasy 803 mıllıon teńgeniń ónimderi ákelingenin aıtyp ótti.
Kórmege Kentaý transformator zaýytynyń transformatorlary, «Baltekstıl» jáne «Nazartekstıl» jaýapkershiligi shekteýli seriktestikteriniń kózdiń jaýyn alatyndaı kilemderi qoıylǵan. «Ordabasyqus» JShS túıetaýyqtyń et ónimderin jáne on túrli shujyq usyndy.
Satybaldy SÁÝIRBAI,
«Egemen Qazaqstan»
Aqtóbe oblysy