Búgingi jastardyń talaby bólek, talpynysy jaqsy. Olar bilimsiz bolashaqtyń buldyr bolatynyn jaqsy túsinedi, bilmekke talpynady. Elbasymyz aıtqan úsh tuǵyrly tildi barynsha qoldap otyrǵan da osy jastar. Bizdiń ýnıversıtet ómirge asa qajetti tehnıkalyq pánderdi aǵylshyn tilinde oqytýdy 2004-2005 oqý jyldary synaq retinde tájirıbege engizdi. О́z basym hımııa pánin aǵylshyn tilinde oqytamyn. Tilek bildirgen stýdentter men oqytýshylarǵa ýnıversıtet basshylyǵy tegin kýrstar uıymdastyrady. Ýnıversıtettegi «Tilderdi damytý ortalyǵy» arqyly úsh tilde bilim alýǵa jaǵdaı jasalyp keledi. Aǵylshyn tilinde sabaq beretin oqytýshylarǵa kótermeleý retinde bir saǵaty úsh saǵatqa teńestirildi. О́ıtkeni, qazaq, orys tilindegi materıaldy aǵylshyn tiline tárjimalap, pándi oqytýǵa daıyndaý kóp ýaqytty talap etedi.
Stýdentterge de qyzyqtyrý úshin jaqsy jaǵdaılar jasalǵan. Úzdikteri ýnıversıtet tarapynan sheteldegi oqý oryndaryna jiberilip, kýrstan ótkiziledi. Sondaı-aq, ýnıversıtette «Shet tilinde bilim berýdiń sapasyn uıymdastyrý jáne baqylaý» bólimi ashylǵan. Onyń maqsaty aǵylshyn tilinde sabaq beretin muǵalimniń deńgeıin udaıy kóterip otyrýyna jaǵdaı jasaý arqyly biliktiligin qadaǵalaý. Búginderi stýdentterdiń talabymen tehnıkalyq pánder qataryna gýmanıtarlyq salalar boıynsha da oqytý qolǵa alynyp jatyr.
Ustazdarymyz «О́rleý» baǵdarlamasy arqyly sheteldegi úzdik oqý oryndaryna biliktiligin arttyrýǵa jiberilse, stýdentter jazdyq lagerlerde úsh tildi tolyq meńgerýdiń tájirıbesinen ótedi.
Úsh tuǵyrly til – ulttyń keleshegi. Qazaq tili – ana tiliń bolsa, orys tili – halyqaralyq til. Al, aǵylshyn tilinde bilim alsań dúnıe júziniń qaı túkpirinde bolsa da jumyssyz qalmaısyń. Búgingi bilim qýǵan jastar osynyń bárin jaqsy túsinedi.
Al, jaqsy ómir súrý úshin kóp til bilýdiń paıdasynan basqa, zııany joq.
Aınur TÚKIBAEVA,
M.Áýezov atyndaǵy Ońtústik Qazaqstan memlekettik ýnıversıtetiniń oqytýshysy, hımııa ǵylymdarynyń kandıdaty, dosent
Ońtústik Qazaqstan oblysy