ASTANA. 15 sáýir. Ulybrıtanııanyń astanasy Londonda áıgili aqyn Ýılıam Shekspırdiń qaıtys bolǵanyna 400 tolýyna oraı kórme ótedi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Áıgili aqyn, dramatýrgtyń shyǵarmalaryndaǵy basty rólderdi somdaǵan Aktrısa Vıven Lıdiń sahnalyq kostıýmderi, «Gamlet» qoıylymy úshin Sara Bernarǵa syıǵa berilgen adamnyń bas súıegi, sondaı-aq, Ýılıam Shekspırdiń qolymen jazylǵan jalǵyz ssenarıı London qalasyndaǵy kitaphanada ótetin kórmede jurtshylyq nazaryna usynylady.
«Shekspırdiń 400 jyldyǵyn álemdegi eń iri kitaphanalardyń birinde atap ótip jatqanymyz úshin qýanyshtymyz. Kórmede talantty aqynnyń ómirine qatysty zattardyń bári qoıylady. Onyń arasynda Shekspırdiń ómirindegi ataq-dańqynyń sharyqtaý kezeńi men quldyraý kezderin dáleldeıtin zattar da bar. Osyǵan qarap Shekspır murasynyń búginge deıin jurtshylyq arasynda qanshalyqty mańyzdy ekenin bilýge bolady», – deıdi uıymdastyrýshylar.
London qalasyndaǵy eń iri kitaphanada ótetin kórme osy jyldyń qazan aıynyń altysyna deıin jalǵasady.
Ýılıam Shekspır – aǵylshynnyń uly dramatýrgy ári aqyny. О́mirinde kem degende 12 tragedııa , 16 komedııa, 6 tarıhı hronıka jazyp ketken. Onyń pesalary álemniń barlyq tilderine aýdarylyp, ózge avtorlarǵa qaraǵanda eń kóp qoıylady. Shyǵarmalary aǵylshyn tiliniń damýyna zor úlesin qosty. Máselen, kóptegen sóz tirkesteri qanatty sóz retinde kúni búginge deıin qoldanylyp keledi.
Aıan Ábdýálı.
Derek, foto: RIA «Novostı».