ASTANA. 15 sáýir. Sırııanyń Homs provınsııasyndaǵy lańkesterdiń beıbit turǵyndarǵa jasaǵan shabýylynan 7 adam mert bolyp, 30-ǵa jýyǵy túrli deńgeıde jaraqat aldy. Bul týraly 24.kz-ke silteme jasaǵan egemen.kz tilshisi habarlady.
Homs provınsııasyndaǵy Ard-el-Djabýrın, Mzan, Skalbııa eldi mekenderine shabýyldy kimniń jasaǵany ázirge belgisiz. Alaıda, kýágerlerdiń aıtýynsha, «Djebhat-an-Nýsra» uıymynyń ekstremısteri bolýy múmkin. Sondaı-aq, bitimgerlik kelisimine taǵy bir qarýly toptyń qosylǵany belgili boldy.
Aıta keteıik, osy jyldyń 27 aqpanynda Sırııada Bashar Asad úkimeti men oppozısııalyq kúshterdiń arasynda beıbit kelisim ornaǵan. Alaıda, bul kelisimniń atyshýly «Irak pen Levant lańkestik uıymy» men «Djebhat-an-Nýsra» ekstremısterine qatysy joq.
Aıan Ábdýálı.
Derek: 24.kz.
Foto: eer.ru.