ASTANA. 15 sáýir. Japonııanyń ońtústigindegi Kıýsıý aralynda bolǵan zilzaladan 9 adam mert bolyp, 900-den astamy túrli deńgeıde jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady.
Osyǵan deıin tabıǵat apatynan 3 adamnyń mert bolyp, 50-ge jýyq turǵynnyń jaraqat alǵany jóninde aqparat taraǵan. Dárigerler sondaı-aq, 50 adamnyń jaǵdaıy múshkil ekenin málimdedi.
Aıta keteıik, 14 sáýir kúni jer silkinisiniń alǵashqy tolqyny jergilikti ýaqyt boıynsha, 09:30-da tirkelgen. Osydan keıin araǵa bes mınýt salyp birneshe dúmpý qatarynan bolǵan. Málimetterge sáıkes, barlyǵy 17 ret silkingen.
Qazir Kıýsıý aralynda kólik qozǵalysy toqtatyldy. Magnıtýdasy 6,5 ballǵa deıin jetken zilzaladan tas joldarda jaryqsha paıda bolyp, ǵımarattar qıraǵan. Al Kýmamoto qalasynda 30 myń adam baspanasyn tastap, qaýipsiz aımaqty panalaýyna májbúr boldy. Mamandardyń boljamynsha, jer silkinisi áli bir aptaǵa deıin sozylýy múmkin.
Aıan Ábdýálı.
Derek, foto: TASS.