Májiliste elimizdiń keıbir zańnamalyq aktilerine mádenıet máseleleri boıynsha túzetýler engizýdi kózdeıtin zań jobasy jumys tobynyń kezekti otyrysynda talqyǵa salyndy.
Jumys tobynyń jetekshisi Bekbolat Tileýhan kirispe sózinde zań jobasy boıynsha salystyrma keste daıyndalǵanyn, oǵan depýtattar bergen túzetýler engizilgenin aıtyp ótti. Depýtattardyń birqatar usynystary Úkimettiń oń qorytyndysyn alǵany belgili boldy.
Depýtattar zań jobasy boıynsha ázirlengen salystyrma kesteni qarap shyqty. Nurtaı Sabılıanov, Baqytbek Smaǵul, Saýytbek Abdrahmanov, Nurlan Dýlatbekov, Káribaı Musyrman, Baqtııar Máken jáne basqa da depýtattar otyrys barysynda suraqtar qoıyp, talqylaýǵa belsendi qatysty.
«Qazaqstan Teatr qaıratkerleri odaǵy» RQB tóraǵasy Tuńǵyshbaı Jamanqulov keıbir baptarǵa baılanysty óz pikirin bildirdi.
«Egemen-aqparat»